'అసలు మొత్తం తీసుకోండి.. నన్ను వదిలేయండి'

బ్యాంకు రుణాలు ఎగవేసి, విదేశాలకు పారిపోయిన మద్యం వ్యాపారి విజయ్​మాల్యా అసలు మాత్రమే చెల్లించగలనంటూ బ్యాంకులకు మరోసారి విజ్ఞప్తి చేశారు. తనను భారత్​కు అప్పగించాలన్న కేసులో బ్రిటన్ హైకోర్టులో విచారణకు హాజరయ్యారు మాల్యా. ఈ కేసులో త్వరలోనే తీర్పు వెల్లడించనుంది న్యాయస్థానం.

భారతీయ బ్యాంకులకు రూ. 9000 కోట్ల రూపాయల రుణాలు ఎగవేసి పరారీలో ఉన్న రుణఎగవేతదారు, వ్యాపారవేత్త విజయ మాల్యా.. అసలు మొత్తం చెల్లించగలనని, ఈ మొత్తాన్ని తీసుకోవాలని అభ్యర్థించారు. భారత్​కు అప్పగించాలన్న పిటిషన్​పై విచారణలో భాగంగా బ్రిటన్ హైకోర్టుకు హాజరైన మాల్యా ఈ మేరకు బ్యాంకులకు విజ్ఞప్తి చేశారు. ఈ కేసులో త్వరలో తీర్పు వెల్లడించనుంది లండన్​ కోర్టు.

"నేను బ్యాంకులకు చేతులెత్తి అభ్యర్థిస్తున్నాను. తక్షణమే అసలు మొత్తం చెల్లిస్తాను. బ్యాంకుల ఫిర్యాదు మేరకు ఎన్​ఫోర్సమెంట్​ డైరెక్టరేట్ (ఈడీ)​ నా ఆస్తులను స్వాధీనం చేసుకుంది. వాటిని జప్తు చేసింది. నేను ఎటువంటి ఆర్థిక నేరాలకు పాల్పడలేదు. ఈడీ జప్తు చేసిన ఆస్తులపై తమకే అధికారం ఉందంటూ.. ఈడీ, బ్యాంకులు పోరాడుతున్నాయి. భారత్​కు రప్పించాలని ప్రయత్నాలు చేస్తున్నాయి. అయితే నా కుటుంబం ఎక్కడ ఉంటే అక్కడే ఉంటాను."

-విజయ్​మాల్యా

కేంద్ర దర్యాప్తు సంస్థ(సీబీఐ), ఈడీలు గత నాలుగేళ్లుగా నన్ను భారత్​ రప్పించడానికి ప్రయత్నించడం అసమంజసమని మాల్యా ఆరోపించారు.

ఇదీ చూడండి: ‘కరోనా’ అనుమానితుడిని కాల్చి చంపిన ఉత్తరకొరియా