ఆక్స్ఫర్డ్ యూనివర్సిటీ-ఆస్ట్రాజెనెకా సంయుక్తంగా అభివృద్ధి చేసిన 'కొవిషీల్డ్' టీకా కొత్త రకం కరోనా స్ట్రెయిన్ పైనా అధిక ప్రభావం చూపుతుందని బ్రిటన్కు చెందిన మీడియా సంస్థ తెలిపింది. గురువారం లోపు యూకేలో ఈ వ్యాక్సిన్ అత్యవసర వినియోగానికి అనుమతి లభిస్తుందని పేర్కొంది. ఈ టీకా ఉత్పత్తి, సరఫరాకు సంబంధించి భారత్కు చెందిన సీరం సంస్థ, ఆక్స్ఫర్డ్తో ఒప్పందం కుదుర్చుకుంది.
నిల్వ చేయటం సులభం..
మొదటగా అత్యవసరమైన దాదాపు కోటి మందికి ఈ వ్యాక్సిన్ను అందిస్తామని బ్రిటన్కు చెందిన ఓ అధికారి తెలిపారు. టీకా అనుమతి లభిస్తే స్ప్రింగ్ సీజన్ లోపు పరిస్థితి కుదుటపడుతుందని వివరించారు. ప్రస్తుత సమాచారం ప్రకారం వ్యాక్సిన్ సత్ఫలితాలను ఇస్తోందని ఆస్ట్రాజెనెకా చీఫ్ ఎగ్జిక్యూటివ్ పాస్కల్ సోరియట్ తెలిపారు. వ్యాక్సిన్ ధర కేవలం రెండు పౌండ్లని, నిల్వచేయటం సులభమని వివరించారు. ఫైజర్ టీకాను మైనస్ 70 డిగ్రీ సెల్షియస్లో నిల్వ చేయాలని, ధర కూడా 15 పౌండ్లు ఉందని తెలిపారు.
ఆక్స్ఫర్డ్ టీకా 95 శాతం ప్రభావం వంతంగా పనిచేస్తోంది తుదిఫలితాలు స్పష్టం చేస్తున్నాయని పాస్కల్ చెప్పారు. కరోనా తీవ్రత పెరిగి ఆస్పత్రిలో చేరాల్సి వచ్చే రోగులపై 100 శాతం సమర్థవంతంగా పని చేస్తోందని పేర్కొన్నారు.
కరోనా కొత్త రకం స్ట్రెయిన్ కారణంగా బ్రిటన్లో మళ్లీ లాక్డౌన్ విధించారు. ఈ కొత్త వైరస్ అత్యంత వేగంగా విస్తరిస్తోంది.
ఇదీ చదవండి : 'కొవిషీల్డ్'కు ముందుగా మనదేశంలోనే అనుమతి!
ఇదీ చదవండి : యూకేలో ఆంక్షలు మరింత కఠినతరం
ఇదీ చదవండి : బ్రిటన్లో 6 లక్షల మందికి టీకా పంపిణీ
