2020 మధ్యకాలం నాటికి ప్రపంచవ్యాప్తంగా 80మిలియన్కుపైగా మంది ప్రజలు వలసదారులుగా మారారని ఐరాస ఓ నివేదికను విడుదల చేసింది. గొడవలు, కరోనా సంక్షోభం వల్ల వీరందరూ బలవంతంగా తమ నివాసాలను వీడాల్సి వచ్చిందని పేర్కొంది.
ప్రపంచవ్యాప్తంగా 2020 మధ్యకాలం నాటికి 80మిలియన్ మంది వివిధ సమస్యలతో స్వస్థలాలను వీడి వెళ్లిపోయారని ఐక్యరాజ్యసమితి నివేదిక స్పష్టం చేసింది. ఘర్షణలు, హింసకు తోడు కరోనా సంక్షోభం కూడా ప్రభావం చూపడం వల్ల వీరు బలవంతంగా వలసవెళ్లిపోయారని పేర్కొంది.
ఇదీ చూడండి:- 'భారత్ నాయకత్వంలో ఆ లక్ష్యాలు సాధ్యమే'
ఈ ఏడాది ఆరంభంలో 79.5 మిలియన్ మంది తమ నివాసాలను వీడినట్టు యూఎన్హెచ్సీఆర్(శరణార్థుల ఏజెన్సీ) వెల్లడించింది. వీరిలో 30-34మిలియన్ మంది 18ఏళ్లలోపు(2019 చివరి నాటికి) వారేనని తెలిపింది. విభేదాలు, మానవ హక్కుల ఉల్లంఘన, హింస ఉందుకు కారణంగా పేర్కొంది. వీరిలో.. అంతర్గత ఘర్షణల కారణంగా 45.7మిలియన్ మంది శరణార్థులుగా మారినట్టు తెలిపింది. మరో 29.6 మిలియన్ మంది విదేశాలకు వెళ్లిపోయారని స్పష్టం చేసింది.
సిరియా(6.6మిలియన్), వెనుజువెలా(3.7మిలియన్), అఫ్గానిస్థాన్(2.7మిలియన్), దక్షిణ సుడాన్(2.3మిలియన్), మయన్మార్(1 మిలియన్) ఈ జాబితాలో ఉన్నాయి.
ప్రపంచవ్యాప్తంగా అత్యధికమంది శరణార్థులు(3.6మిలియన్) టర్కీలోనే ఉన్నట్టు యూఎన్హెచ్సీఆర్ నివేదించింది. కొలంబియా(1.8మిలియన్) ఆ తర్వాతి స్థానంలో ఉంది.
ఇదీ చూడండి:- 'బహిరంగంగా టీకా తీసుకునేందుకు సిద్ధం'
