కరోనా మహమ్మారి ఉద్ధృతి రోజు రోజుకీ పెరుగుతోంది. అయితే, వైరస్ నుంచి కోలుకునే వారి సంఖ్య కూడా స్థిరంగా పెరుగుతుండటం సానుకూలాంశం. ప్రపంచవ్యాప్తంగా ఇప్పటివరకూ 13 లక్షల మందికిపైగా వైరస్కు బలి కాగా.. కోటి 56 లక్షలకు పైగా యాక్టివ్ కేసులున్నాయి. అమెరికా, భారత్తో పాటు బ్రెజిల్, ఫ్రాన్స్, రష్యా, స్పెయిన్ దేశాల్లో కొవిడ్ కేసుల సంఖ్య స్థిరంగా పెరుగుతోంది.
- ఐరోపాలో కరోనా ఉద్ధృతి తీవ్రంగా ఉన్నా... గత వారం రోజుల్లో వైరస్ వ్యాప్తి స్వల్పంగా అదుపులోకి వచ్చిందని ప్రపంచ ఆరోగ్య సంస్థ పేర్కొంది. ప్రభుత్వం విధించిన లాక్డౌన్ చర్యల మూలంగానే కరోనా వ్యాప్తి తగ్గుముఖం పట్టినట్లు తెలిపింది. ప్రపంచవ్యాప్తంగా కొత్తగా నమోదైన కేసుల్లో సగం ఐరోపాలోనివే.
- రష్యాలో అత్యధికంగా ఒకే రోజు 20,985 కేసులు నమోదయ్యాయి. ఫలితంగా మొత్తం కేసుల సంఖ్య 19 లక్షలు దాటింది. ఇప్పటివరకు మృతుల సంఖ్య 34,387గా ఉంది.
- ఇరాన్లో తాజాగా 13,421 కొత్త కేసులు నమోదయ్యాయి. 480 మంది వైరస్కు బలయ్యారు. మొత్తం కేసుల సంఖ్య 8,01,894కు పెరిగి, మొత్తం మృతుల సంఖ్య 42,921కి చేరింది.
- పొలాండ్లో ఒక్కరోజే 19,883 మందికి వైరస్ సోకింది. గడిచిన 24 గంటల్లో వైరస్ కారణంగా 603 మంది మృతిచెందారు.
వివిధ దేశాల్లో కొవిడ్ కేసులు ఇలా:
| దేశం | మొత్తం కేసులు | మరణాలు |
| అమెరికా | 11,703,322 | 2,54,370 |
| బ్రెజిల్ | 5,911,758 | 166,743 |
| ఫ్రాన్స్ | 2,036,755 | 46,273 |
| రష్యా | 1,991,998 | 34,387 |
| స్పెయిన్ | 1,535,058 | 41,688 |
| బ్రిటన్ | 1,410,732 | 52,745 |
| అర్జెంటినా | 1,329,005 | 36,106 |
| ఇటలీ | 1,238,072 | 46,464 |
| కొలంబియా | 1,211,128 | 34,381 |
| మెక్సికో | 1,011,153 | 99,026 |
