స్వదేశంలో అభివృద్ధి చేస్తున్న ఆస్ట్రాజెనెకా-ఆక్స్ఫర్డ్ వ్యాక్సిన్‌తో టీకాలు వేయడం ప్రారంభించింది బ్రిటన్. ఆక్స్‌ఫర్డ్‌లోని ఓ ఆసుపత్రిలో డయాలసిస్ రోగి అయిన 82ఏళ్ల బ్రియాన్ పింకర్‌కు తొలి టీకా వేశారు. కిడ్నీ సంబంధిత వ్యాధితో బాధపడుతూ గత కొన్నేళ్లుగా ఆసుపత్రిలో చికిత్స పొందుతున్న బ్రియాన్.. టీకా వేయించుకోవడాన్ని ఓ మైలురాయిగా అభివర్ణించింది ఆ దేశ జాతీయ ఆరోగ్య సంస్థ.
టీకా అందుకోవడం చాలా ఆనందంగా ఉందన్న బ్రియాన్.. ఇప్పుడు ప్రశాంతంగా డయాలసిస్కు వైద్యం చేయించుకుంటానని చెప్పారు. 'కరోనా వ్యాక్సిన్ పొందడం పట్ల సంతోషంగా ఉంది. ఈ టీకాను ఆక్స్ఫర్డ్ అభివృద్ధి చేయడం గర్వంగా ఉంది. దీని వల్ల వైద్య సిబ్బంది సురక్షితంగా ఉంటారు. ఈ ఏడాది తర్వాత నా భార్యతో 48వ వివాహ వార్షికోత్సవం జరుపుకుంటాను." అని బ్రియాన్ అన్నారు.
ఇప్పటికే కరోనా నివారణకు ఫైజర్ టీకాతో భారీ స్థాయిలో వ్యాక్సినేషన్ నిర్వహిస్తోంది బ్రిటన్ ప్రభుత్వం.
ఇదీ చూడండి: జాక్ మా ఎక్కడ?.. 2 నెలలుగా బిలియనీర్ అదృశ్యం
