ట్రెవర్​ తుఫాన్ బీభత్సం..ఆస్ట్రేలియా అతలాకుతలం

ట్రెవర్​ తుపాను ఆస్ట్రేలియాను వణికిస్తోంది. గంటకు 250 కిలోమీటర్ల ప్రచండ గాలులతో బీభత్సం సృష్టించింది. తుపాను ప్రభావిత ప్రాంతాల్లో అధికారులు సహాయ చర్యలు చేపట్టారు. ప్రజలను సురక్షిత ప్రాంతాలకు తరలించారు.

ఆస్ట్రేలియాలో ట్రెవర్​ తుపాను బీభత్సం సృష్టించింది. గంటకు సుమారు 250 కిలోమీటర్ల మేర వీచిన ఈదురుగాలులు... ఆస్ట్రేలియా ఉత్తర భూభాగంలోని ప్రాంతాలను అతలాకుతలం చేశాయి. తీరప్రాంత ప్రజలను రహదారులు, వాయుమార్గాల ద్వారా సురక్షిత ప్రాంతాలకు తరలించారు అధికారులు.

బొరోలూలా, గ్రోట్ ద్వీపాల మధ్య తుఫాను తీరం దాటనుందని ఒక రోజు ముందుగానే బ్యూరో ఆఫ్ మెట్రాలజి సంస్థ అంచనా వేసింది. తుపాను ప్రభావం ఉండే తీర ప్రాంతాల్లో అత్యవసర పరిస్థితి విధించారు అధికారులు.

నేటి ఉదయం 9:50 గంటల సమయంలో ఉత్తర భూభాగంలోని ప్రాంతంలో ట్రెవర్​ తుపాను తీరం దాటినట్టు అధికారులు తెలిపారు. తీరప్రాంతాల్లోని ప్రజలను ఖాళీ చేయించినట్లు చెప్పారు. తీవ్రమైన గాలుల కారణంగా భద్రతా హెచ్చరికలు జారీ చేశారు.

ట్రెవర్​తో పాటు ఆస్ట్రేలియాను తాకిన మరో తుపాను వెరోనికా. వాయువ్య ఆస్ట్రేలియా ప్రాంతంలో తీరం దాటే అవకాశం ఉందని అంచనా వేస్తున్నారు అధికారులు.

ఇదీ చూడండీ:'ఇదాయ్​' ప్రకోపం-150 మంది బలి