ప్రపంచ దేశాల్లో కరోనా విజృంభణ కొనసాగుతోంది. మొత్తం బాధితుల సంఖ్య 4 కోట్ల 38 లక్షల 84 వేలకు చేరింది. మృతుల సంఖ్య 11 లక్షల 66 వేల 240కి పెరిగింది. ఈ నేపథ్యంలో పలు దేశాలు కఠిన ఆంక్షలు అమలు చేస్తున్నాయి. కొవిడ్ నిబంధనలు తప్పనిసరి చేస్తున్నాయి.
రష్యాలో వైరస్ వేగంగా వ్యాపిస్తున్న వేళ... ప్రజలు బయటకు వచ్చినప్పుడు తప్పనిసరిగా మాస్క్ ధరించాలని ఆదేశాలు జారీ చేసింది అక్కడి ప్రభుత్వం. దేశంలో ఒక్కరోజే 16,550 మంది వైరస్ బారిన పడగా... 320 మంది ప్రాణాలు కోల్పోయారు.
- పోలాండ్లో ఒక్కరోజే 16,300 మందికి కరోనా పాజిటివ్గా తేలింది. మరో 132మంది చనిపోయారు.
- బెల్జియంలో తాజాగా 12,687 కేసులు వెలుగుచూశాయి. మరో 89మంది ప్రాణాలు కోల్పోయారు.
- ఇరాన్లో కొత్తగా 6,968 కేసులు నమోదవగా.. 346 మంది మరణించారు.
- ఉక్రెయిన్లో 6,677 కేసులు బయటపడగా.. 126 మంది మృతి చెందారు.
- ఇండోనేషియాలో తాజాగా 3,250 మందికి వైరస్ సోకింది. 101 మంది ప్రాణాలు కోల్పోయారు.
- మెక్సికోలో కొత్తగా 247 మంది మరణించగా.. 4,166 మంది వైరస్ బారిన పడ్డారు.
- చైనాలో కొత్తగా 26 మంది లక్షణాలు లేకుండా వైరస్ బారిన పడ్డారు.
- సింగపూర్లో కరోనా వ్యాప్తి పూర్తిగా తగ్గినట్లే కనిపిస్తోంది. కొత్తగా కేవలం ఏడు కేసులే బయటపడ్డాయి.
- శ్రీలంకలో కరోనా వ్యాప్తి కొనసాగుతున్నప్పటికీ... సామాజిక వ్యాప్తి లేదని ఆ దేశ ఆరోగ్య మంత్రిత్వశాఖ తెలిపింది.
ఇదీ చూడండి: 'పాంపియో.. మా మధ్య విభేదాలు తేవొద్దు'
