వెంటపడిన జింక- నగ్నంగా పరుగో పరుగు!

ఓ ఇద్దరు వ్యక్తులు అడవిలో తప్పిపోయారు. వారిని రక్షించటానికి కరోనా సేవల్లో నిమగ్నమై ఉన్న అధికారులు తమ పనులను పక్కన పెట్టి మరీ తరలి వచ్చారు. అయితే.. తీరా వెళ్లి చూశాక వారిద్దరు నగ్నంగా ఉన్నారు. అసలేమైంది? ఎందుకలా ఉన్నారు? అని ప్రశ్నించగా.. వారు చెప్పిన సమాధానం విని విస్తుపోవటం ఆ అధికారుల వంతైంది.

అసలే కరోనా. అవసరం ఉంటేనే తప్ప ఇంటి బయటకు రావొద్దని అధికారుల ఆదేశాలు. అయినా.. నిబంధనలను ఉల్లంఘించి ఇద్దరు వ్యక్తులు బయటకు వచ్చారు. ఓ బీచ్​ దగ్గర నగ్నంగా నిల్చుని 'సన్​బాత్​' చేశారు. అయితే, అప్పటివరకు బానే ఉన్నా.. ఓ జింక వల్ల వారి పరిస్థితి దారుణంగా తయారైంది.

ఇంతకీ ఏమైందంటే..

ఆస్ట్రేలియా సిడ్నీకి దక్షిణాన ఉన్న రాయల్​ నేషనల్​ పార్కులో ఓ ఇద్దరు వ్యక్తులు.. తాము తప్పిపోయామని అధికారులకు ఆదివారం సాయంత్రం 6 గంటలకు ఫోన్​ చేశారు. దాంతో అధికారులు నానా తంటాలు పడి వారిని ఆ కారడవిలో ఎట్టకేలకు గుర్తించారు. అయితే.. వారిని చూశాక విస్తుపోవటం అధికారుల వంతైంది. ఆ ఇద్దరు వ్యక్తులు నగ్నంగా ఉండటమే ఇందుకు కారణం.

జింక తరమగా..

"బీచ్​లో సన్​బాత్​ చేస్తున్న ఆ ఇద్దరినీ.. ఓ జింక తరిమింది. దాంతో వాళ్లు భయంతో నేషనల్​ పార్కులోకి పరిగెత్తారు. మళ్లీ ఎలా బయటకు రావాలో తెలియక అడవిలోనే ఉండిపోయారు." అని పోలీస్​ కమిషనర్​ మిక్​ ఫుల్లర్​ తెలిపారు. ఆ ఇద్దరిలో ఒకరికి 39 ఏళ్లు, మరొకరి 49 ఏళ్లు ఉంటాయని చెప్పారు. ఓవ్యక్తి నగ్నంగా భుజాన బ్యాగు వేసుకుని కనిపించగా.. మరో వ్యక్తి అర్ధనగ్నంగా ఉన్నాడని చెప్పారు.

సిడ్నీలోని రాయల్​ నేషనల్​ పార్కు

రాయల్​ నేషనల్​ పార్కు సమీపంలోని బీచ్​

అత్యవసర సేవలను పక్కన పెట్టి మరీ..