రెండు రోజుల భూటాన్ పర్యటనలో ఉన్న ప్రధాని మోదీ.. ఆ దేశ రాజు జిగ్మే ఖేసర్ నాంగ్యాల్ వాంగ్చుక్తో భేటీ అయ్యారు. ఈ సందర్భంగా ఇరు దేశాలు ఆదర్శప్రాయమైన భాగస్వామ్యంతో ముందుకెళ్లాలని ప్రధాని నరేంద్ర మోదీ ఆకాంక్షించారు.
ప్రధాని మోదీకి భూటాన్ రాజదంపతలు సంప్రదాయరీతిలో స్వాగతం పలికినట్లు విదేశాంగశాఖ అధికార ప్రతినిధి రవీశ్ కుమార్ ట్వీట్ చేశారు.
"ప్రధాని మోదీకి భూటాన్లో ఘన స్వాగతం లభించింది. ఈ సందర్భంగా ఇరు దేశాల మధ్యనున్న భాగస్వామ్యాన్ని ముందుకు తీసుకెళ్లే దిశగా మోదీ, భూటాన్ రాజు జిగ్మే ఖేసర్ నాంగ్యాల్ వాంగ్చుక్లు చర్చలు జరిపారు."
-రవీశ్కుమార్, భారత విదేశాంగశాఖ అధికార ప్రతినిధి
10 అవగాహన ఒప్పందాలు
భారత్-భూటాన్ల మధ్య విద్యుత్ కొనగోలు సహా 10 అవగాహన ఒప్పందాలు కుదిరాయి. ఇరుదేశాల ప్రధానులు మోదీ, లోటే షెరింగ్ ద్వైపాక్షిక చర్చలు జరిపిన తరువాత ఈ ఒప్పందాలపై రెండు దేశాల ప్రతినిధిలు సంతకాలు చేశారు.
ఈ సందర్భంగా సెమ్టోకాలో... మాంగ్డేచు జలవిద్యుత్ కేంద్రాన్ని, సౌత్ ఆసియా శాటిలైట్ గ్రౌండ్ స్టేషన్ను, రూపే కార్డును... ఇరుదేశాల ప్రధానులు ఆవిష్కరించారు. ఇండో-భూటాన్ హైడ్రోపవర్ కార్పొరేషన్ను ఆవిష్కరించి.. 5 దశాబ్దాలు పూర్తయినందుకు గుర్తుగా స్టాంపులను విడుదల చేశారు.
భారత్ జాతీయ నాలెడ్జ్ సెంటర్, భూటాన్ డ్రక్ రీసెర్చ్, ఎడ్యుకేషన్ నెట్వర్క్ మధ్య ఎలక్ట్రానిక్ అనుసంధానాన్ని కూడా మోదీ, షెరింగ్ ప్రారంభించారు.
మోదీ రెండు రోజుల పర్యటన
ప్రధాని మోదీ రెండు రోజుల పర్యటన నిమిత్తం భూటాన్కు వెళ్లారు.
ఇదీ చూడండి: కశ్మీర్లో టెలిఫోన్, అంతర్జాల సేవలు పునరుద్ధరణ
