ముంచెత్తిన వరద- ఏడుగురు మృతి

సెంట్రల్ నేపాల్​లో వరద బీభత్సం సృష్టించింది. వివిధ ఘటనల్లో ఏడుగురు మరణించారు. సింధుపాల్​చౌక్​ జిల్లాలోని అనేక ఇళ్లు నీటమునిగాయి. ఈ వరదల్లో చిక్కుకుని గల్లంతైన వారి కోసం గాలింపు చర్యలు చేపడుతున్నట్లు అధికారులు తెలిపారు.

సెంట్రల్​ నేపాల్ సింధుపాల్​చౌక్​ జిల్లాలో వరద బీభత్సం సృష్టించింది. భారీగా కురిసిన వర్షాల కారణంగా ఇంద్రావతి, మేలమ్చి నదుల్లో వరదలు పోటెత్తాయి. ఫలితంగా ఏడుగురు మృతిచెందగా.. 50 మంది గల్లంతయ్యారని అధికారులు తెలిపారు.

"మేలమ్చి, ఇంద్రావతి నదుల్లో భారీగా నీటి శాతం పెరిగినందునే వరదలు సంభవించాయి. హెలంబు ప్రాంతం నుంచి వరద నీటి ప్రవాహం మొదలైంది. వరద ప్రభావిత ప్రాంతాల్లో సహాయక చర్యలు ముమ్మరం చేశాం. చాలా మంది గల్లంతయ్యారని సమాచారం అందింది."

-అరుణ్ పోఖ్రేల్, అధికారి.

మేలమ్చి నది సమీప ప్రాంతాల్లో.. ఇళ్లలోకి భారీగా వరద నీరు చేరింది. వరద ధాటికి కొన్ని వంతెనలు కూలిపోయాయి. కరెంట్ స్తంభాలు దెబ్బతినగా విద్యుత్​ సరఫరాకు అంతరాయం ఏర్పడింది. 300కు పైగా గుడిసెలు నేలమట్టం అయ్యాయి.

భారీగా పోటెత్తిన వరద

నేపాల్​లో వరద బీభత్సం

నీట మునిగిన ఇళ్లు

ఇదీ చదవండి:దెహ్రాదూన్​లో మెరుపు వరద- దెబ్బతిన్న రోడ్లు