కరోనా మహమ్మారి కారణంగా నేపాల్, చైనా మధ్య మూసివేసిన కీలక వాణిజ్య మార్గం తిరిగి ప్రారంభమైంది. ఎనిమిది నెలల తర్వాత చైనాలోని టిబెట్, నేపాల్ మధ్య వస్తువుల రవాణాకు అనుమతించారు అధికారులు. ఇరు దేశాల సరిహద్దులోని రాసువాగధి- కెరుంగ్ రవాణా పాయింట్ను ప్రారంభించేందుకు కొన్ని షరతులతో చైనా అధికారులు అంగీకరించారు. పరిశ్రమలు, వాణిజ్య, సరఫరాల మంత్రిత్వ శాఖ నియమాలకు లోబడి తక్కువ సంఖ్యలో కార్గో వాహనాలను అనుమతించారు. ఈ క్రమంలో కొన్ని కార్గో వాహనాలు చైనా ఉత్పత్తులతో బుధ, గురువారాల్లో నేపాల్ చేరుకున్నాయి.
నేపాల్- చైనా సరిహద్దులోని రాసువాగధి-కెరుంగ్, టాటోపాని-ఖాసా సరిహద్దు ప్రాంతాలను ఈ ఏడాది జనవరిలో మూసివేశారు. 2019 చివర్లో చైనాలోని వూహాన్ నగరంలో తొలిసారి కరోనాను గుర్తించిన క్రమంలో వైరస్ను కట్టిడి చేసేందుకు ఈ నిర్ణయం తీసుకున్నారు. ఇన్నాళ్లు కొన్ని రోజుల పాటు మెడికల్ కిట్లు వంటి అత్యవసర వస్తువులను తరలించే వాహనాల రవాణాకు సరిహద్దు పాయింట్లను తెరిచారు.
ఉపరితల వాణిజ్య మార్గాలను పూర్తిస్థాయిలో తెరిచేందుకు శుక్రవారం ఇరు దేశాల ప్రతినిధులు వర్చువల్గా సమావేశం కానున్నట్లు అధికారవర్గాలు తెలిపాయి. ఈ భేటీలో టాటోపానీ-ఖాసా సరిహద్దు పాయింట్ తెరవటం పై ప్రధానంగా చర్చించనున్నారు.
ఇదీ చూడండి: 'రైతుల తర్వాత ఈసారి కార్మికులపై దోపిడి'
