పాకిస్థాన్ ప్రధాని ఇమ్రాన్ ఖాన్.. అగ్రరాజ్యం అధ్యక్షుడు డొనాల్డ్ ట్రంప్తో ఫోన్లో సంభాషించారు. ఇరు దేశాల ద్వైపాక్షిక సంబంధాలు, ప్రాంతీయ అంశాలపై చర్చించారు. ఈ మేరకు అధికారిక ప్రకటన విడుదల చేసింది పాక్ ప్రధాని కార్యాలయం.
అఫ్గాన్ చెరలో ఉన్న పాశ్చాత్య బందీలను ఆ దేశం విడుదల చేయడం సానుకూల పరిణామమని.. వారంతా ఇప్పుడు స్వేచ్ఛగా ఉండొచ్చని ట్రంప్తో చెప్పారు ఖాన్.
ఈ విషయంలో చొరవ తీసుకున్నందుకు ఇమ్రాన్కు ట్రంప్ కృతజ్ఞతలు తెలిపినట్లు పాక్ పేర్కొంది. అఫ్గాన్లో శాంతి స్థాపన, స్థిరత్వం కోసం ఇరు దేశాలు కలిసి ముందుకు సాగాలని చర్చించినట్లు స్పష్టం చేసింది.
ఫోన్ సంభాషణలో భాగంగా కశ్మీర్లో ప్రస్తుత పరిస్థితులను ట్రంప్కు వివరించినట్లు పాక్ ప్రధాని కార్యాలయం తెలిపింది.
అఫ్గాన్ చెర నుంచి ఇద్దరు పాశ్చాత్య బందీలను మంగళవారం విడుదల చేశారు తాలిబన్లు. వారు కాబుల్లో అపహరణకు గురైన మూడేళ్ల తర్వాత అమెరికా సైన్యానికి అప్పగించారు.
ఇదీ చూడండి: అమెరికా హెచ్చరిక: చైనాతో పాక్కు రుణభారమే
