భాజపాపై పాక్ ప్రధాని విమర్శలు

పాకిస్థాన్​ మరో నాటకానికి తెరతీసింది. ఎఫ్​-16పై అమెరికా మ్యాగజైన్ సమాచారాన్ని ఆధారంగా చేసుకుని భాజపాపై విమర్శలు సంధించారు పాక్ ప్రధాని ఇమ్రాన్ ఖాన్. పాక్​కు చెందిన ఏ విమానమూ కూలిపోలేదని ఓ నివేదికలో తెలిపింది వార్తాపత్రిక.

ఎఫ్​-16 జెట్​ విషయంలో భారతీయ జనతా పార్టీ అసత్యపు ప్రచారాలు చేస్తోందని పాకిస్థాన్ ప్రధాని ఇమ్రాన్ ఖాన్​ ఆరోపించారు. పాక్​లోని ఎఫ్​-16 విమానాలన్నీ భద్రంగానే ఉన్నాయని అమెరికా మ్యాగజైన్​ నివేదికపై ఈ విధంగా స్పందించారు ఇమ్రాన్. ఇటీవల అమెరికా అధికారులు పాక్​లోని విమానాలను లెక్కించారని, అన్నీ సరిగానే ఉన్నాయని సదరు పత్రిక తెలిపింది.

నివేదికను ఆధారంగా చేసుకుని భాజపాపై విమర్శనాస్త్రాలు సంధించారు పాక్ ప్రధాని.

• The truth always prevails and is always the best policy. BJP's attempt to win elections through whipping up war hysteria and false claims of downing a Pak F 16 has backfired with US Defence officials also confirming that no F16 was missing from Pakistan's fleet.

  — Imran Khan (@ImranKhanPTI) April 6, 2019 " class="align-text-top noRightClick twitterSection" data="

  The truth always prevails and is always the best policy. BJP's attempt to win elections through whipping up war hysteria and false claims of downing a Pak F 16 has backfired with US Defence officials also confirming that no F16 was missing from Pakistan's fleet.

  — Imran Khan (@ImranKhanPTI) April 6, 2019

  ">

  The truth always prevails and is always the best policy. BJP's attempt to win elections through whipping up war hysteria and false claims of downing a Pak F 16 has backfired with US Defence officials also confirming that no F16 was missing from Pakistan's fleet.

  — Imran Khan (@ImranKhanPTI) April 6, 2019

"నిజం ఎప్పటికైనా వెలుగులోకి వస్తుంది. ఎన్నికల్లో గెలవడానికి భాజపా తప్పుడు ప్రచారాలకు దిగింది. ఎఫ్​-16 జెట్​ల సంఖ్య సరిగానే ఉందని అమెరికా రక్షణ శాఖ అధికారులే తేల్చారు."

-ఇమ్రాన్​ ఖాన్, పాక్ ప్రధాని

పాక్​ ప్రధాని వ్యాఖ్యలపై ఆగ్రహం వ్యక్తం చేసింది భాజపా. ప్రతిపక్షాలపైనా ఎదురుదాడికి దిగింది. విపక్షాల తీరుతోనే పాకిస్థాన్​ అడ్డగోలుగా వాదిస్తోందని ఆరోపించారు భాజపా నేతలు.

"దేశ సైన్యంపైనే అనుమానాలు వ్యక్తం చేస్తున్న శ్యాం పిట్రోడా, ఫారుఖ్ అబ్దుల్లా వంటి నేతల వ్యాఖ్యలతో ఉగ్రవాదానికి ఆశ్రయమిచ్చే దేశాలకు మరింత బలాన్ని చేకూర్చుతున్నాయి. ఇది కచ్చితంగా క్షమించరాని చర్యే."

-పీయూష్ గోయల్, కేంద్ర రైల్వే శాఖ మంత్రి

ఫిబ్రవరి 28న అమ్రామ్ క్షిపణి భాగాలను భారత వాయుసేన ఆధారంగా చూపింది. ఎఫ్-16 విమానాలు మాత్రమే ఈ రకం క్షిపణులను ఉపయోగిస్తాయని ప్రకటించింది. అయితే... ఈ ఆరోపణలను పాకిస్థాన్ ఖండించింది. అమెరికా రక్షణ విభాగం వచ్చి పరీక్షించాలని పెంటగాన్​ను కోరింది.

"ఎఫ్​-16 యుద్ధ విమానాన్ని వింగ్ కమాండర్ అభినందన్ కూల్చివేశారని భారత వాయుసేన చెబుతోంది. అయితే వాస్తవిక పరిస్థితులు అందుకు విరుద్ధంగా ఉన్నాయి."

-అమెరికా మ్యాగజైన్ నివేదిక

ఇదీ చూడండి: ఎఫ్​-16ను కూల్చింది నిజమే : భారత్