టర్కీపై కరోనా పంజా- ఒక్కరోజే 30,110 కేసులు

ప్రపంచవ్యాప్తంగా కరోనా కేసుల సంఖ్య 6 కోట్ల 38 లక్షలు దాటింది. కొవిడ్​ ధాటికి ఇప్పటివరకు 14 లక్షల 80వేల మంది మృతి చెందారు. అమెరికా, ఐరోపా దేశాల్లో వైరస్​ ప్రభావం తీవ్రంగా ఉంది.

ప్రపంచదేశాల్లో కరోనా తీవ్రత రోజురోజుకూ పెరుగుతోంది. గడిచిన కొన్ని రోజులుగా రోజూ సగటున 5 లక్షల కేసులు బయటపడుతున్నాయి. ఫలితంగా మొత్తం కేసుల సంఖ్య 6 కోట్ల 38 లక్షల 74 వేలు దాటింది. ఇప్పటివరకు కొవిడ్​తో మరణించిన వారి సంఖ్య 14 లక్షల 80 వేలకు చేరింది.

ప్రపంచంలోనే అత్యధికంగా అమెరికాలో వైరస్​ కేసులు నమోదవుతున్నాయి. రష్యా, ఇటలీ, బ్రిటన్, ఇరాన్​ సహా పలు దేశాల్లోనూ కొవిడ్​ కేసులు భారీ సంఖ్యలో బయటపడుతున్నాయి.

• టర్కీలో కరోనా బాధితులు భారీగా పెరుగుతున్నారు. ఒక్కరోజే 30,110 కేసులు బయటపడ్డాయి. మరో 190 మంది చనిపోయారు.
• రష్యాలో కొత్తగా 26 వేల 402 మంది కొవిడ్ బారిన పడ్డారు. మరో 569 మంది మరణించారు.
• ఇటలీలో తాజాగా 19,350 మందికి కరోనా సోకగా.. 785 మందిని వైరస్ బలి తీసుకుంది.
• బ్రిటన్​లో ఒక్కరోజే 13,430 కేసులు వెలుగుచూశాయి. మరో 603మంది ప్రాణాలు కోల్పోయారు.
• ఇరాన్​లో 13,881 మందికి వైరస్​ సోకింది. 382 మరణించారు.

దేశం	మొత్తం కేసులు	మొత్తం మరణాలు
బ్రెజిల్​	63,44,345	1,73,229
రష్యా	23,22,056	40,464
బ్రిటన్​	16,43,086	59,051
ఇటలీ	16,20,901	56,361
మెక్సికో	11,13,543	1,05,940

ఇదీ చూడండి: కన్న కొడుకుని 28ఏళ్లపాటు నిర్బంధించిన తల్లి!