అఫ్గానిస్థాన్, నురిస్తాన్ రాష్ట్రంలోని కామ్డిష్ జిల్లాలో ఆకస్మిక వరదలు సంభవించాయి. ఫలితంగా 40మంది మృతి చెందారు. మరో 150మంది గల్లంతైనట్లు అధికారులు తెలిపారు. దాదాపు 80కి పైగా ఇళ్లు ధ్వంసమయ్యాయని పేర్కొన్నారు.
40 మృతదేహాలను గుర్తించామని, మృతుల సంఖ్య మరింత పెరిగే అవకాశం ఉందని ప్రావిన్షియల్ కౌన్సిల్ సయదుల్లా నూరిస్తానీ తెలిపారు. సహాయక చర్యలను ముమ్మరం చేశామన్నారు.
గత నెలలోనూ..
గత నెలలోనూ.. భారీ వర్షాలు, వరదల కారణంగా అఫ్గానిస్థాన్లోని హెరాత్ రాష్ట్రంలో 12 మంది మృతిచెందారు. పదుల సంఖ్యలో ఇళ్లు ధ్వంసమయ్యాయి.
ఇదీ చదవండి: అమెరికాలో భూకంపం- సునామీ హెచ్చరికలు జారీ
