దుబాయ్లో 'పామ్ ఫౌంటెయిన్' పేరుతో నిర్మించిన ప్రపంచంలోనే అతిపెద్ద ఫౌంటెయిన్ అక్టోబర్ 22న ప్రారంభం కానుంది. ఈ మేరకు అన్ని ఏర్పాట్లు చేస్తున్నట్లు నిర్వాహకులు పేర్కొన్నారు. దీంతో, పర్యటక ప్రాంతంగా దుబాయ్ మరింత మందిని ఆకర్షించనుందని దుబాయ్ ఫెస్టివల్ అండ్ రిటైల్ ఎస్టాబ్లిష్మెంట్ సీఈఓ అహ్మద్ అల్ ఖాజా అన్నారు.
3 వేల ఎల్ఈడీ లైట్లతో
దుబాయ్లోని పామ్జుమేరియా దీవుల్లోని పాయింటే వద్ద నిర్మించిన ఈ ఫౌంటెయిన్.. సముద్ర జలాల్లో 14 వేల చదరపు అడుగుల విస్తీర్ణంలో ఉంది. 3 వేల ఎల్ఈడీ లైట్ల వెలుగులో 105 మీటర్లు ఎగసిపడే 'పామ్ ఫౌంటెయిన్' నీరు పర్యటకులను మరింత ఆకర్షించనుంది.
5 భిన్న ప్రదర్శనలు
సాయంత్రం 7 నుంచి రాత్రి 12 గంటల మధ్య సమయంలో 20 బెస్పోక్ షోలతో పాటు, 5 విభిన్న ప్రదర్శనలు జరగనున్నాయి. సంగీతంతో ప్రదర్శించనున్న ఈ 'షో'లు వీక్షితులను కనువిందు చేయనున్నాయి. 3 నిమిషాల పాటు సాగే ఒక్కో ప్రదర్శన ప్రతి అరగంటకోసారి జరుగుతుందని నిర్వహకులు తెలిపారు.
" ఈ ప్రాజెక్టును నిర్మించే అవకాశం మాకు రావడం అదృష్టకరం. అద్భుతమైన పామ్ఫౌంటెయిన్ నిర్మాణంలో భాగస్వాములవడం ఆనందంగా ఉంది".
--కిన్ సు, బీజింగ్ వాటర్ డిజైన్ టెక్నాలజీ ఛైర్మన్
- " class="align-text-top noRightClick twitterSection" data="">
