పంజాబ్ నేషనల్ బ్యాంకు రుణాల ఎగవేత కేసులో పరారీలో ఉన్న... లిక్కర్ టైకూన్ విజయ్ మాల్యాకు మరోసారి చుక్కెదురైంది. బ్రిటన్కు చెందిన పానీయాల దిగ్గజం డియాజియోకు... ముందుగా చేసుకున్న ఒప్పందం ప్రకారం 135 మిలియన్ డాలర్లు చెల్లించాలని యూకే హైకోర్టు ఆదేశించింది.
2016లో నోటి మాట ద్వారా కుదుర్చుకున్న ఒప్పందం ప్రకారం.. విజయ్ మాల్యా 175 మిలియన్ డాలర్ల మేర బకాయి పడ్డారని డియాజియో బ్రిటన్ హైకోర్టులో పిటిషన్ వేసింది. మూడేళ్ల కిందట మాల్యాకు చెందిన యునైటెడ్ స్పిరిట్స్ లిమిటెడ్లో మెజారిటీ వాటా కొనుగోలు వ్యవహారంలో ఈ సొమ్ము తమకు తిరిగి చెల్లించాల్సి ఉందని ఆ సంస్థ పేర్కొంది.
వాదనలు విన్న జస్టిస్ రాబిన్ తన తీర్పులో... 135 మిలియన్ డాలర్లు చెల్లించాలని మాల్యా కంపెనీకి ఆదేశించారు. ఇందులో మాల్యా నుంచి నేరుగా 40 మిలియన్ డాలర్లు, ఆయన కుమారుడు సిద్ధార్థ మాల్యా నుంచి మిగతా సొమ్ము వసూలు చేయాలని ఆదేశించారు. అయితే మాల్యా ఈ సొమ్ముకి వడ్డీతోపాటు, న్యాయప్రక్రియకైన ఖర్చులు 2 లక్షల పౌండ్లూ చెల్లించాల్సి ఉంటుంది.
ఇదీ చూడండి: డ్రోన్ల డ్యాన్స్తో ఆకాశంలో జిల్జిల్ జిగాజిగా
