చైనా అభివృద్ధి చేస్తున్న కరోనా వ్యాక్సిన్పై మూడో దశ క్లినికల్ ట్రయల్స్ ప్రారంభమయ్యాయి. సెంట్రల్ చైనా- హునాన్ రాష్ట్రంలోని జియాంగ్టన్లో 18 ఏళ్లు పైబడిన వారిపై ఈ ట్రయల్స్ చేపట్టనున్నారు.
ఇది 'రీకాంబినెంట్ సబ్యూనిట్ కొవిడ్-19 వ్యాక్సిన్' కోసం చేపట్టిన తొలి ప్రయోగమని అన్హుయి ఝిపీ లాంగ్కమ్ బయో ఫార్మాస్యూటికల్ ఓ ప్రకటనలో తెలిపింది. చైనీస్ సైన్స్ అకాడమీ, మైక్రో బయాలజీ ఇన్స్టిట్యూట్లు సంయుక్తంగా అభివృద్ధి చేస్తున్న ఈ టీకాకు జూన్ 19న ఆ దేశ వైద్య పరిశోధనా విభాగం నుంచి అనుమతి లభించింది.
ప్రపంచవ్యాప్తంగా సుమారు 29వేల మంది వలంటీర్లకు టీకా అందించేందుకు చైనా యోచిస్తున్నట్టు తెలుస్తోంది. ఈ నెలాఖర్లో ఉజ్బెకిస్థాన్లో గ్లోబల్ ట్రయల్స్ ప్రారంభించాలని భావిస్తోంది టీకా ఉత్పత్తి సంస్థ. ఆ తర్వాత ఇండోనేషియా, పాకిస్థాన్, ఈక్వెడార్లో ప్రయోగాల నిర్వహణకు సన్నద్ధమవుతున్నట్టు సమాచారం.
చైనాలో మొత్తం 5 కరోనా వ్యాక్సిన్లు అభివృద్ధి దశలో ఉండగా.. యూఏఈ, బ్రెజిల్, పాక్, పెరూ దేశాల్లో క్లినికల్ ట్రయల్స్ కొనసాగుతున్నాయని అక్కడి విదేశాంగ శాఖ తెలిపింది.
ఇదీ చదవండి: డిసెంబర్లోనే అందుబాటులోకి ఫైజర్ వ్యాక్సిన్!
