ఆధునిక ప్రపంచానికి ప్రాచీన జ్ఞానాన్ని అనుసంధానించే అలవాటు చైనాకు ఎప్పటి నుంచో ఉంది. ఇదే బాటలో నడుస్తూ 6వ శతాబ్దం నాటి 'జియాకాంగ్' సమాజాల నిర్మాణం చేపట్టింది. జియాకాంగ్ అంటే .. సుసంపన్న ప్రాంతంలో ప్రజలు ఎలాంటి కష్టాలు లేకుండా ఆనందంగా జీవించడం. అయితే ఇవి భారత సరిహద్దులకు అత్యంత సమీపంలో ఉండటం గమనార్హం. సరిహద్దు వెంబడి(india china border news) తమ జనాభాను పెంచుకుని, అక్కడి భూములపై పట్టుసాధించేందుకు వీటిని చైనా ఉపయోగించుకునే అవకాశం లేకపోలేదు(india china relations).
చైనా-భారత్ మధ్య 3,500 కిలోమీటర్ల సరిహద్దు ఉంది. ఇక్కడి అనేక ప్రాంతాల్లో జీవించడం కూడా కష్టమే! అలాంటిది ఇక్కడ చైనా 'జియాకాంగ్' ప్రణాళికను అమలు చేసింది.
సరిహద్దు వెంబడి వివాదాస్పద ప్రాంతాల్లో చైనా జనాభా గత కొంతకాలంగా పడిపోతోంది. లద్దాఖ్ నుంచి అరుణాచల్ప్రదేశ్ వరకు ఇంచుముంచు ఇదే పరిస్థితి. అందుకే 2017లో 'జియాకాంగ్ గ్రామాల' విధానాన్ని అమల్లోకి తెచ్చింది.
ప్రణాళిక ప్రకారం.. 21 కౌంటీల్లో 628 గ్రామాలు నిర్మిస్తారు. 62,160 ఇళ్లు ఉంటాయి. మొత్తం మీద 2,41,835మంది వీటిల్లో నివాసముంటారు. లద్దాఖ్ నుంచి నింగ్ఛి వెంబడి ఉన్న టిబెట్ సరిహద్దు.. అరుణాచల్-మయన్మార్ వెంబడి ఉన్న మెచుకాలో ఈ గ్రామాలు ఉంటాయి.
ఇదీ చూడండి:- 'చైనా దురుసుతనం వల్లే లద్దాఖ్లో అశాంతి'
గతేడాది వరకు 604 గ్రామాల నిర్మాణం పూర్తయింది. ఇందుకోసం 4.6 బిలియన్ డాలర్లు ఖర్చు చేశారు. మిగిలినవి ఈ ఏడాదే పుర్తవుతాయని అంచనా.
ఎత్తైన పర్వత ప్రాంతాల్లో ప్రజలు ఉండటం కష్టం. అక్కడ జీవనోపాధి అవకాశాలూ తక్కువే. అందుకే అనేకమంది ఆయా ప్రాంతాలను వీడి బయటకు వస్తున్నారు. దీంతో జనాభా పడిపోతోంది. దేశంలోనూ హిమాచల్ ప్రదేశ్ నుంచి అరుణాచల్ ప్రదేశ్ వరకు ఇదే పరిస్థితి. సరిహద్దు అభివృద్ధి పనులను భారత్ మొదలుపెట్టినా.. చైనా చేపట్టినంత సమర్థంగా అవి ముందుకు సాగడం లేదు.
భారీ ప్రాజెక్టే.. లాభమెంత?
లద్దాఖ్లో భారత్-చైనా 2020లో దాదాపు యుద్ధం అంచువరకు వెళ్లాయి. ఇరువైపుల లక్ష మంది సైకులను మోహరించడం వల్ల తూర్పు లద్దాఖ్లో ఉద్రిక్త వాతావరణం నెలకొంది. ఆయా ప్రాంతంలో జనాభా పెంచుకుంటే చైనా పట్టు సాధించే అవకాశముంది.
లద్దాఖ్ను పక్కనపెడితే.. అరుణాచల్ప్రదేశ్పైనా చైనా కన్నేసింది. అది దక్షిణ టిబెట్, తమ భూభాగమని అనేకమార్లు చెప్పుకొచ్చింది. భవిష్యత్తులో అక్కడ సరిహద్దు వివాదం చేలరేగే అవకాశాలను కొట్టిపారేయలేము.
మరోవైపు చైనా.. టిబెట్ సరిహద్దుల్లో గ్రామాలు నిర్మిస్తుండటం వెనక మరో వ్యూహం కూడా ఉన్నట్టు కనిపిస్తోంది. గ్రామాల్లోని ప్రజలు.. దలైలామా కార్యకలాపాలను ఎప్పటికప్పుడు పర్యవేక్షించవచ్చు. ఆ సమాచారాన్ని చైనాకు చేరవేయవచ్చు.
అయితే వీటిని చైనా కొట్టిపారేస్తోంది. భారత్, టిబెట్పై నిఘా పెట్టేందుకు తాము గ్రామాలను ఏర్పాటు చేయడం లేదని.. భారత్లో అంతర్గత కలహాల నుంచి ప్రజల దృష్టిని మళ్లించేందుకు సరిహద్దు అంశాన్ని పదేపదే లేవనెత్తుతున్నారని చైనా అధికార మీడియా గ్లోబల్ టైమ్స్ కథనం ప్రచురించింది.
--- సంజీవ్ కే బారువా.
ఇదీ చూడండి:- 'క్వాడ్'పై చైనా గుస్సా- కోల్డ్వార్ మనస్తత్వం వీడాలని హితవు
