కరోనా వైరస్ కారణంగా చైనాలో మరో 71మంది ప్రాణాలు కోల్పోయారు. గత రెండు వారాలతో పోలిస్తే ఈ సంఖ్య తగ్గినట్లు అధికారులు తెలిపారు. వైరస్తో ఇప్పటివరకు 2,663 మంది మృతి చెందారు. తాజాగా మరో 409 కేసులు నమోదయ్యాయి. దేశంలోని అనేక రాష్ట్రాల్లో గత కొన్ని రోజులుగా ఎలాంటి కేసులు నమోదు కాలేదని అధికారులు పేర్కొన్నారు.
తొలిసారి పార్లమెంటు సమావేశాలు వాయిదా..
వైరస్ ప్రభావం వల్ల చైనాలో తొలిసారి వార్షిక పార్లమెంటు సమావేశాన్ని వాయిదా వేయాలని నిర్ణయించింది ప్రభుత్వం. హుబే రాష్ట్రంలోని సుమారు 10మిలియన్ల మందికి బయట ప్రపంచంతో సంబంధాలు తెగిపోయాయి.
షిప్లో మరో వ్యక్తి మృతి
జపాన్ తీరంలో ఉన్న డైమండ్ ప్రిన్సెస్ నౌకలో మరో వ్యక్తి మృతి చెందారు. దీనితో షిప్లో ఇప్పటి వరకు కరోనా కారణంగా మరణించిన వారి సంఖ్య నాలుగుకు చేరింది.
