బెలారస్కు చెందిన కార్గో విమానం రష్యాలో కూలిపోయింది. ఈ ప్రమాదంలో ఏడుగురు మరణించారు. మృతుల్లో ముగ్గురు బెలారస్కు సిబ్బంది కాగా.. మరో ఇద్దరు చొప్పున రష్యా, ఉక్రెయిన్ దేశాలకు చెందినవారిగా అధికారులు గుర్తించారు. బెలారస్ వైమానిక దళానికి చెందిన ఏఎన్-12 విమానం.. రష్యాలోని తూర్పుసెర్బియాలో ల్యాండ్ అయ్యే క్రమంలో ఈ దుర్ఘటన జరిగినట్లు తెలిపారు.
ఆ విమానం తొలిసారి ల్యాండింగ్‌లో విఫలమైందని.. రెండోసారి మళ్లీ ల్యాండింగ్కు ప్రయత్నించే క్రమంలో కూలిపోయిందని రష్యా మీడియా పేర్కొంది. ఈ ప్రమాదానికి కారణం తెలియరాలేదు. అయితే ప్రతికూల వాతావరణ పరిస్థితుల వల్లే విమానం కుప్పకూలినట్లు అధికారులు భావిస్తున్నారు. ఈ ఘటనపై దర్యాప్తు చేస్తున్నట్లు తెలిపారు.
ఇదీ చూడండి: పీఓకేలో ఘోర ప్రమాదం- 22 మంది దుర్మరణం
