ఇకపై అత్యాచారానికి పాల్పడితే మరణశిక్షే!

మహిళపై అత్యాచారానికి పాల్పడితే మరణశిక్ష విధించాలనే ప్రతిపాదనకు ఆమోదం తెలిపింది బంగ్లాదేశ్​ ప్రభుత్వం. త్వరలోనే దీనిపై ఆర్డినెన్స్​ జారీ చేయనున్నారు ఆ దేశ అధ్యక్షుడు అబ్దుల్​ హమీద్​.

మహిళలపై జరుగుతున్న అకృత్యాలను అరికట్టడానికి కీలక నిర్ణయం తీసుకుంది బంగ్లాదేశ్​. ఇకపై అత్యాచారానికి పాల్పడితే మరణశిక్ష విధించనుంది. ఈ మేరకు ఓ ప్రతిపాదనను ఆ దేశ ప్రధాని షేక్​ హసీనా నేతృత్వంలోని కెబినేట్ ఆమోదించింది.

అత్యాచారానికి పాల్పడిన వారికి.. ప్రస్తుతం జీవిత ఖైదు అమల్లో ఉంది. మరణశిక్షగా మార్చుతూ​.. అధ్యక్షుడు అబ్దుల్​ హమీద్ ఆర్డినెన్స్​ జారీ చేయనున్నట్లు సమాచారం.

ఇదీ చూడండి: 'నేపాల్​ సరిహద్దు భూములను ఆక్రమించిన చైనా'