Azerbaijan news: అజర్బైజాన్లో ఘోర ప్రమాదం జరిగింది. సైనిక హెలికాప్టర్ కూలిపోయిన ఘటనలో 14 మంది ప్రాణాలు కోల్పోయారు. ఇద్దరు గాయపడ్డారు.
ప్రమాదానికి గురైన హెలికాప్టర్ అజర్బైజాన్ సరిహద్దు రక్షణ విభాగానికి చెందినదని అధికారులు తెలిపారు. గరేబాట్ ట్రైనింగ్ గ్రౌండ్ మీదుగా ఎగురుతున్న సమయంలో ఈ ఘటన జరిగిందని చెప్పారు. ప్రమాదానికి గల కారణాలు తెలియలేదు. దీనిపై ఆ దేశానికి చెందిన రెండు దర్యాప్తు బృందాలు విచారణ ముమ్మరం చేశాయి.
అజర్బైజాన్ అధ్యక్షుడు ఇల్హమ్ అలియెవ్ ఈ ఘటన పట్ల విచారం వ్యక్తం చేశారు. ప్రమాదంలో మరణించిన వారి కుటుంబ సభ్యులకు సానుభూతి తెలిపారు.
ఇదీ చదవండి: జైలుపై మిలిటెంట్ల దాడి- 11 మంది మృతి, ఖైదీల పరార్
