జంతువులే ఆశ్చర్యపోయేలా.. జూలో కొట్టుకున్నారు..

ఓ జూలో ఇద్దరి మధ్య మొదలైన గొడవ.. చివరికి ఆరుగురు తీవ్రస్థాయిలో కొట్టుకునే వరకు దారితీసింది. మహిళలు ఒకరికొకరు జుట్లు పట్టుకుని నేల మీద ఈడ్చుకుంటూ కాళ్లతో కొట్టుక్కున్నారు. పురుషులు కూడా మహిళలను కాళ్లతో కొడుతూ ఫోన్లకు చిక్కారు. ఈ వీడియో వైరల్​గా మారింది.

అప్పటివరకు ఆహ్లాదకరంగా ఉన్న ఆ జూ వాతావరణం.. ఒక్కసారిగా వేడెక్కింది. అప్పటివరకు పక్కపక్కనే నడుస్తూ వెళ్తున్న పర్యటకులు.. ఒక్కసారిగా ఒకరిపై ఒకరు మీద పడి కొట్టుకోవడం మొదలుపెట్టారు. ఈ ఘటనతో పక్కనే ఉన్న ఇతర పర్యటకులూ షాక్​కు గురయ్యారు. చివరికి అక్కడే ఉన్న కొన్ని జంతువులు కూడా వారి ఘర్షణను చూస్తూ ఉండిపోయాయి. దీనికి సంబంధించిన వీడియో వైరల్​గా మారింది. ఇంతకీ ఈ ఘటన ఎక్కడ జరిగిందంటే?

ఇదీ జరిగింది..

చైనాలోని బీజింగ్​ వైల్డ్​లైఫ్​ పార్క్​లో ఆదివారం సందడి వాతావరణం నెలకొంది. ప్రజలు పెద్ద ఎత్తున జూలోని జంతువులను చూసేందుకు వెళ్లారు. ఇంతలో ఇద్దరి మధ్య మొదలైన గొడవ రెండు కుటుంబాలు తీవ్రస్థాయిలో కొట్టుకునేలా చేసింది. ఆరుగురు వ్యక్తులు చేతులు, కాళ్లతో దారుణంగా కొట్టుకున్నారు.

ఈ ఘర్షణలో భాగంగా మహిళలు.. ఒకరికొకరు జుట్టులు పట్టుకుని, నేల మీద ఈడ్చుకుంటూ కాళ్లతో కొట్టుక్కున్నారు. చుట్టుపక్కన ఉన్న ప్రజలు ఈ ఘోరాన్ని చూస్తూ ఉండిపోయారు. ఈ దృశ్యాలను ఇతరులు ఫోన్లలో చిత్రీకరించారు. అది కాస్త చైనా సామాజిక మాధ్యమం వైబోలో వైరల్​గా మారింది.

చివరికి జూలోని భద్రతా సిబ్బంది జోక్యం చేసుకుని పరిస్థితిని అదుపుచేశారు. అయితే గొడవకు గల కారణాలు తెలియలేదు.

• This biffo at the Beijing wild animal zoo between a couple of families prompted a statement from the zoo. It said the fighting left a deep impression on some nearby animals who copied the humans and had to be taught by staff that fighting isn’t good behaviour. 笑死我了😂 pic.twitter.com/3X9KcsmSCR

  — Bill Birtles (@billbirtles) August 8, 2021 " class="align-text-top noRightClick twitterSection" data="

  This biffo at the Beijing wild animal zoo between a couple of families prompted a statement from the zoo. It said the fighting left a deep impression on some nearby animals who copied the humans and had to be taught by staff that fighting isn’t good behaviour. 笑死我了😂 pic.twitter.com/3X9KcsmSCR

  — Bill Birtles (@billbirtles) August 8, 2021

  ">

  This biffo at the Beijing wild animal zoo between a couple of families prompted a statement from the zoo. It said the fighting left a deep impression on some nearby animals who copied the humans and had to be taught by staff that fighting isn’t good behaviour. 笑死我了😂 pic.twitter.com/3X9KcsmSCR

  — Bill Birtles (@billbirtles) August 8, 2021

జంతువులపై ప్రభావం..

ఈ గొడవను.. అక్కడే ఉన్న పర్యటకులు, చివరికి జంతువులు కూడా నిలబడి చూస్తూ ఉండిపోయాయని జూ సిబ్బంది ఓ ప్రకటన విడుదల చేసింది. ఈ ఘటన జంతువులపై ప్రభావం చూపించినట్టు పేర్కొంది. మనుషులను అనుసరిస్తూ.. జంతువులు కూడా రాత్రి ఒకదానిపై మరొకటి గొడవకి దిగినట్టు తెలిపింది. ఈ పూర్తి ఘటనపై నెటిజన్లు అసహనం వ్యక్తం చేస్తున్నారు. అలా గొడవపడటం ఏంటని ప్రశ్నిస్తున్నారు.

ఇదీ చూడండి: ఈ కోతి సోకులకు నెటిజన్లు ఫిదా.. వీడియో వైరల్​