భారత్లో ఉన్న తమ పౌరుల్ని స్వదేశానికి తరలించడానికి ఆస్ట్రేలియా విమాన సర్వీసుల్ని శుక్రవారం తిరిగి ప్రారంభించింది. దిల్లీలోని ఆస్ట్రేలియన్లను తీసుకెళ్లడానికి సిడ్నీ నుంచి విమానం బయలుదేరిందని ఆ దేశ విదేశాంగ మంత్రి మరైజ్ పెయిన్ తెలిపారు.
'క్వారంటైన్లో ఉండాల్సిందే'
ఆ విమానంలోనే భారత్కు ఆక్సిజన్ సిలిండర్లను పంపించామని మరైజ్ పెయిన్ తెలిపారు. ఆస్ట్రేలియాకు వచ్చాక ప్రయాణికులు కఠినమైన క్వారంటైన్ నిబంధనలను పాటించాలని స్పష్టం చేశారు. భారత్లో వ్యాపిస్తున్న కరోనా వారి వల్ల ఆస్ట్రేలియాలోనూ వ్యాపించకూడదనే క్వారంటైన్ నిబంధన పెట్టినట్లు పేర్కొన్నారు.
గతంలో నిషేధం
భారత్ నుంచి వస్తే జైలు శిక్షతో పాటు, 66వేల ఆస్ట్రేలియన్ డాలర్ల శిక్ష విధిస్తామని ఆస్ట్రేలియా ప్రభుత్వం తెలిపింది. విమాన ప్రయాణాల్ని నిలిపివేసింది. కాగా ఇన్ని రోజుల తర్వాత మళ్లీ విమాన సర్వీసుల్ని భారత్కు నడపడం ఇదే మొదటి సారి. కొద్ది రోజులు విమాన సర్వీసుల్ని నిలిపివేయడం వల్ల కరోనా తీవ్రంగా వ్యాపించకుండా అడ్డుకట్టవేయగలిగామని మరైజ్ పెయిన్ అన్నారు.
భారత్కు 37.1 మి.డాలర్ల వైద్య సామగ్రి
భారత్కు సాయంగా 37.1మిలియన్ డాలర్ల విలువైన వైద్య సామగ్రిని పంపిస్తున్న రెండో విమానం ఇదేనని వెల్లడించారు. "భారత్ నుంచి డార్విన్కు మరో వాణిజ్య విమానం మే 23న వస్తుంది. మరిన్ని విమానాల్ని ఆస్ట్రేలియాకు రప్పించడానికి ప్రయత్నాలు జరుగుతున్నాయి" అని పెయిన్ తెలిపారు.
భారత్కు 15 టన్నుల వైద్య సామగ్రి
భారత్కు ఇప్పటి వరకు ఆస్ట్రేలియా 15 టన్నుల వైద్య సామగ్రిని పంపించింది. అందులో 2000 వెంటిలేటర్లు, 100కుపైగా ఆక్సిజన్ సిలిండర్లు ఉన్నాయి.
ఇదీ చదవండి: వెనక్కితగ్గిన ఆస్ట్రేలియా- ప్రయాణికులపై నిషేధం రద్దు!
