అఫ్గాన్లో(Afghan News) తాలిబన్ల చేతుల్లో టోలో న్యూస్(Tolo News) పాత్రికేయుడు జియార్ యాద్ ఖాన్ మరణించారనే వార్తలు కాసేపు కలకలం రేపాయి. జియార్ ఖాన్ పనిచేసే టోలో న్యూస్ కూడా ఈ వార్తా కథనాన్ని వెలువరించింది. అయితే... తాను మరణించలేదని, ఆ వార్తలు అవాస్తవాలని జియార్ ఖానే స్వయంగా ట్విట్టర్ వేదికగా వెల్లడించారు. దాంతో ఆయన మృతిపై నెలకొన్న అనిశ్చితి తొలగిపోయింది. అయితే.. తనను తాలిబన్లు తీవ్రంగా కొట్టారని చెప్పారు జియార్.
"రిపోర్టింగ్ చేస్తున్న సమయంలో నన్ను తాలిబన్లు కొట్టారు. నా వద్ద ఉన్న కెమెరాలు, ఇతర సాంకేతిక పరికరాలను లాక్కున్నారు. నా ఫోన్కుడా వాళ్లు తీసుకున్నారు. నేను చనిపోయినట్లుగా కొద్ది మంది వ్యాప్తి చేస్తున్న వార్తలు అవాస్తవాలు. తాలిబన్లు నా పైకి తపాకీ గురిపెట్టి కొట్టారు."
-జియార్ యాద్ ఖాన్, టోలో న్యూస్ రిపోర్టర్
అప్గానిస్థాన్లో తొలి స్వతంత్ర వార్తా సంస్థ 'టోలో న్యూస్' కావడం గమనార్హం.
జులై 16న రాయిటర్స్ వార్తా సంస్థకు చెందిన ఫొటో జర్నలిస్టు, పులిట్జర్ అవార్డు గ్రహీత డానిష్ సిద్దిఖీని అఫ్గాన్లోని తాలిబన్లు (Taliban Afghanistan) చిత్రహింసలకు గురిచేసి హత్య చేశారు.
ఇదీ చూడండి: తాలిబన్ల అంతు చూస్తాం.. 'పంజ్షేర్' తాజా ప్రకటన!
ఇదీ చూడండి: Malala : 'నాపై ఒక్క తూటానే.. అఫ్గానీలపై లక్షల బుల్లెట్ల వర్షం'
