అఫ్గానిస్థాన్లో జరిగిన రెండు వేర్వేరు బాంబుదాడులలో 9 మంది మృతి చెందారు. 16 మంది గాయపడ్దారు. మృతులలో ఇద్దరు సైనికుల ఉన్నారు. ఉత్తర ఫర్యాద్, తూర్పు కోస్ట్ రాష్ట్రంలో తాలిబన్లు బాంబు దాడులకు తెగబడ్డారని పోలీసులు తెలిపారు.
ఉత్తర ఫర్యాద్లోని దవలత్ అబాద్ జిల్లాలో జరిగిన బాంబు దాడిలో ముగ్గురు పౌరులు మృతి చెందారు. 10 మందికి పైగా గాయపడ్డారు. కోస్టా లోని యాకుబీ జిల్లాలో సైనికవాహనాల్ని లక్ష్యంగా చేసుకొని తాలిబన్లు బాంబులు విసిరారు. ఆ ఘటనలో ఆరుగురు మృత్యువాత పడ్డారు. అందులో నలుగురు పౌరులు ఉన్నారు.
అయితే ఫర్వాన్ రాష్ట్రంలో ఓ దుకాణం విషయమై యజమానుల మధ్య గొడవలు జరిగాయి. ఈ ఘటనలో నలుగురు మృతి చెందారు. మరో ముగ్గురు గాయపడ్డారు. కాబుల్ సహా నాలుగు రాష్ట్రాలు కుంద్, కోస్ట్, ఫర్యాద్లో బాంబు దాడులు జరిగాయి. ఈ ఘటనలపై ఇంత వరకు తాలిబన్లు స్పందించలేదు.
ఇదీ చూడండి: శాంతి చర్చలకు తూట్లు.. అఫ్గాన్ సైన్యంపై తాలిబన్ల దాడి!
