'చైనా చేసిన పనిని ఎప్పటికీ మర్చిపోం'

అమెరికా అధ్యక్ష ఎన్నికల ప్రచారంలో భాగంగా చైనాపై తీవ్ర విమర్శలు చేశారు ట్రంప్. అగ్రరాజ్య ఆర్థిక వ్యవస్థ దెబ్బతినేందుకు ఆ దేశం కారణమైందని ఆరోపించారు.

చైనా వైరస్​ కారణంగానే అమెరికా ఆర్థిక వ్యవస్థ దెబ్బతిందని మండిపడ్డారు ట్రంప్​. మహమ్మారికి ముందు అమెరికా ఆర్థిక వ్యవస్థ మెరుగ్గా ఉందని అన్నారు. అమెరికా అధ్యక్ష ఎన్నికల ప్రచార సభల్లో భాగంగా ట్రంప్ ఈ వ్యాఖ్యలు చేశారు.

" అమెరికా ఆర్థికంగా చాలా బలంగా ఉంది. కానీ, చైనా కరోనా వైరస్ ఆర్థిక వ్యవస్థను కుదేలు చేసింది. ఐనా మహమ్మారి బారి నుంచి 2 మిలియన్ల అమెరికన్లను కాపాడగలిగాం. చైనా చేసిన పనిని అమెరికా ఎన్నటికీ మరిచిపోదు".

- డొనాల్డ్​ ట్రంప్​.

బైడెన్​పై తీవ్ర విమర్శలు

ప్రత్యర్థి జో బైడెన్​ను తీవ్రంగా విమర్శించారు ట్రంప్​. బైడెన్..​ చైనాను నిందించడం లేదని తప్పు పట్టారు. బీజింగ్​ కూడా డెమొక్రటిక్​ అభ్యర్థి బైడెన్​ గెలవాలని ఆశిస్తోందని అన్నారు.

ఇదీ చదవండి:ఇన్​స్టాలో కమల 'ఇడ్లీ- సాంబార్' ముచ్చట్లు