హాలీవుడ్ నిర్మాత హార్వే వైన్స్టీన్కు 23 ఏళ్ల పాటు జైలు శిక్ష విధించింది న్యూయార్క్ కోర్టు. లైంగిక వేధింపులు, అత్యాచార కేసుల్లో దోషిగా తేలిన వైన్స్టీన్కు బుధవారం శిక్ష ఖరారు చేసింది.
వైన్స్టీన్ పదుల సంఖ్యలో మహిళలపై లైంగిక దాడులకు పాల్పడినట్లు ఆరోపణలు ఉన్నాయి. 2013లో న్యూయార్క్ నగరంలోని ఓ హోటల్లో.. ఓ నటిపై అత్యాచారం, 2006లో మిమి హలేయీపై లైంగిక దాడుల కేసుల్లో గత నెల దోషిగా తేల్చింది కోర్టు.
ప్రస్తుతం విధించిన శిక్షతో పాటు గరిష్ఠంగా 29 ఏళ్లపాటు జైలులో గడపనున్నాడు వైన్స్టీన్.
బుధవారం కోర్టులో విచారణ సందర్భంగా తమకు ఎదురైన సంఘటనను గుర్తు చేసుకున్నారు బాధిత మహిళలు. ఈ సందర్భంగా తాను ఈ పరిస్థితుల్లో ఉన్నందుకు సిగ్గుపడుతున్నట్లు కోర్టుకు తెలిపాడు వైన్స్టీన్. తనను క్షమించాలని ప్రాధేయపడ్డాడు. కేసుతో కలత చెందినట్లు పేర్కొన్నాడు. కానీ జైలు శిక్ష విధించటంపై స్పందించేందుకు నిరాకరించాడు.
2017లో వెలుగులోకి...
వైన్స్టీన్పై 90 మందికిపైగా మహిళలు 'మీటూ' ఆరోపణలు చేశారు. అందులో కథానాయికలు గ్వైనెత్ పాల్ట్రో, సల్మా హయెక్, ఉమా థుర్మెన్, జెస్సికాలు ఉన్నారు. హయెకా, జెస్సీకా నిర్మాతపై ఫిర్యాదు చేశారు. వైన్స్టీన్పై 2017లో న్యూయార్క్ టైమ్స్, ది న్యూయార్కెర్ వార్తా పత్రికల వేదికగా మీటూ ఆరోపణలు వెల్లువెత్తాయి.
వైన్స్టీన్ అకృత్యాలు బయటపడిన నేపథ్యంలో మీటూ ఉద్యమానికి పునాది పడింది. లక్షలాది మంది మహిళలు తమ జీవితంలో ఎదురైన లైంగిక దాడుల గురించి బహిర్గతం చేశారు.
ఇదీ చూడండి: 'పిల్లల బెడ్రూంలోకి లాక్కెళ్లి, బలవంతంగా ముద్దాడి...'