అమెరికాలో కొవిడ్ విజృంభణ కొనసాగుతోంది. మొత్తం కేసుల సంఖ్య కోటి మార్క్ను దాటింది. వరుసగా మూడో రోజు కూడా లక్షకుపైగా కొవిడ్ కేసులు వెలుగుచూశాయి. శుక్రవారం ఒక్కరోజే రికార్డు స్థాయిలో 1లక్షా 32వేల మందికిపైగా కరోనా బారినపడ్డారు. మరో 1,248 మంది ప్రాణాలు కోల్పోయారు.
మొత్తం కేసులు 1కోటి 58వేల 586కు చేరుకున్నాయి. వారిలో 2లక్షల 42వేల 230 మందిని కొవిడ్ బలితీసుకుంది. టెక్సాస్‌, ఇల్లినోయి, మిన్నెసోటా, కాలిఫోర్నియా, ఫ్లొరిడా, విస్కాన్సిన్‌ వంటి ప్రాంతాల్లో కరోనా ప్రభావం అధికంగా ఉన్నట్టు తెలుస్తోంది.
ఇదిలా ఉండగా.. శ్వేతసౌధం చీఫ్‌ ఆఫ్‌ స్టాఫ్‌ మార్క్ మెడోస్‌కు కరోనా పాజిటివ్గా నిర్ధరణ అయింది.
ఇదీ చదవండి: జంతువు నుంచి కొవిడ్ యాంటీబాడీల సేకరణ
