అమెరికాలో టిక్టాక్ సహా చైనాకు చెందిన మొబైల్ యాప్లను నిషేధించాలని... అధ్యక్షుడు డొనాల్డ్ ట్రంప్ను 24 మంది రిపబ్లికన్ చట్టసభ్యులు కోరారు. చైనాకు చెందిన 59 యాప్లను... జాతీయ భద్రతా సమస్యల కారణంగా భారత్ నిషేధించిన విషయాన్ని వారు అధ్యక్షునికి గుర్తుచేశారు.
చైనాకు చెందిన యాప్లు అమెరికన్ వినియోగదారుల డేటాను సేకరిస్తున్నాయి. టిక్టాక్ మాతృ సంస్థ బైట్డాన్స్ సహా మిగతా చైనా కంపెనీలు... చైనా సైబర్ సెక్యూరిటీ చట్టాల మేరకు ఈ సమాచారాన్ని కమ్యూనిస్టు పార్టీ ఆఫ్ చైనా (సీపీసీ)తో పంచుకుంటున్నాయి. దీని వల్ల అమెరికా జాతీయ భద్రతకు ముప్పు పొంచి ఉంది."
- రిపబ్లికన్ కాంగ్రెస్ సభ్యుల లేఖ సారాంశం
చైనా యాప్ల వల్ల అమెరికన్ ప్రజల గోప్యత, భద్రతకు ఎలాంటి భంగం కలగకుండా నిర్ణయాత్మక చర్యలు తీసుకోవాలని రిపబ్లికన్ సభ్యులు.. ట్రంప్కు విజ్ఞప్తి చేశారు.
డేటా మైనింగ్
వాస్తవానికి చైనా అధికారులు అధునాతన డేటా మైనింగ్ విధానాల ద్వారా అమెరికన్ వినియోగదారుల డేటానే కాకుండా, యూఎస్ ప్రభుత్వ డేటాను కూడా సాపేక్షికంగా నియంత్రించగలుగుతున్నారని రిపబ్లికన్ సభ్యులు అభిప్రాయపడ్డారు.
వినియోగదారుల ఐపీ అడ్రస్, జియో లొకేషన్, బ్రౌజింగ్ హిస్టరీ సహా సున్నితమైన సమాచారాన్ని... అధునాతన ఐడెంటిఫయర్లు, కుకీలు ఉపయోగించి చైనా యాప్లు సేకరిస్తున్నాయని రిపబ్లికన్ కాంగ్రెస్ సభ్యులు ఆరోపించారు.
త్వరలోనే నిషేధం?
టిక్టాక్ సహా చైనా యాప్లపై నిషేధం విధించాలా? లేదా? అనే విషయంపై త్వరలోనే నిర్ణయం తీసుకుంటామని శ్వేతసౌధం వర్గాలు తెలిపాయి. వారాల వ్యవధిలోనే ఈ పని పూర్తవుతుందని.. ఇందుకు నెలల సమయం తీసుకోమని స్పష్టం చేసింది.
ఇదీ చూడండి: హెచ్-1బీ వీసాల నిలిపివేతపై భారతీయుల సవాల్
