'మోదీ- ట్రంప్​ భేటీతో ఇరు దేశాల బంధం బలోపేతం'

అమెరికా అధ్యక్షుడు డొనాల్డ్​ ట్రంప్​ భారత్​ పర్యటన నేపథ్యంలో రెండు దేశాల దౌత్య వర్గాలు కీలక వ్యాఖ్యలు చేశాయి. ప్రపంచంలో రెండు అతిపెద్ద ప్రజాస్వామ్య దేశాధినేతల భేటి భవష్యత్​లో​ ద్వైపాక్షిక సంబంధాలను మరింత బలపరుస్తుందన్నారు అధికారులు. ట్రంప్ పర్యటన చారిత్రకమని అమెరికాలో భారత రాయబారి సంధు అభిప్రాయపడ్డారు.

అమెరికా- భారత్​ ద్వైపాక్షిక సంబంధాలు భవిష్యత్​లో మరింత ఆశాజనకంగా ఉండేందుకు ట్రంప్​, మోదీ భేటి దోహదపడుతుందన్నారు అగ్రరాజ్య రాయబారి, దక్షిణ, మధ్య ఆసియా రాష్ట్ర సహాయ కార్యదర్శి ఆలిస్ జి. వెల్స్. ప్రపంచంలో రెండు అతిపెద్ద ప్రజాస్వామ్య దేశాలైన అమెరికా- భారత్​ మధ్య అనుబంధం పరివర్తనం చెందేలా ట్రంప్​ పర్యటన ఉంటుందన్నారు.

వాషింగ్టన్​లో భారత నూతన రాయబారిగా తరంజిత్​సింగ్ సంధు నియామకమైన సందర్భంగా యూఎస్​, ఇండియా బిజినెస్ కౌన్సిల్ ఏర్పాటు చేసిన సమావేశంలో వెల్స్​ మాట్లాడారు.

రెండు దశాబ్దాల క్రితం వాషింగ్టన్​ పర్యటన సందర్భంగా అప్పటి భారత ప్రధాని వాజ్‌పేయీ.. ఇరు దేశాలు 'సహజ మిత్రులు' అని వ్యాఖ్యానించారని గుర్తు చేశారు వెల్స్.

" వేలాది మంది అరుపులు, కేరింతల మధ్య ట్రంప్​, మోదీ కలయిక భవిష్యత్​లో సరికొత్త చరిత్రను లిఖించబోతోంది. 20 ఏళ్ల క్రితం వాషింగ్టన్ పర్యటనలో ​అప్పటి ప్రధాని వాజ్‌పేయీ.. భారత్​-అమెరికా సహజ మిత్రులు అని అన్నారు. ఈ రెండు దశాబ్దాలుగా ఆయన మాటలను వాస్తవం చేస్తున్నాం. భారత​ పర్యటన కోసం ట్రంప్​ ఆత్రుతగా వేచిచూస్తున్నారు"

-వెల్స్, అమెరికా రాయబారి

చారిత్రక పర్యటన..

ట్రంప్ పర్యటన చారిత్రకమని, అన్ని రంగాల్లో ఇరు దేశాల మధ్య బంధాన్ని బలోపేతం చేయడానికి సహాయపడుతుందన్నారు అమెరికాలోని భారత రాయబారి తరంజిత్​సింగ్ సంధు. అమెరికా, భారత్ మధ్య​ అత్యంత పరివర్తన చెందిన సంబంధాన్ని ఈతరం చూడబోతుందన్నారు.

" అమెరికా, భారత్​ది బలమైన ద్వైపాక్షిక సంబంధం.. ఇరుదేశాలది విలువలతో కూడిన భాగస్వామ్యం. రెండు దేశాల విధానం ప్రజాస్వామ్యం"

-తరంజిత్​సింగ్ సంధు, అమెరికాలో భారత రాయబారి