అమెరికా అధ్యక్షుడు డొనాల్డ్ ట్రంప్ కీలక నిర్ణయం తీసుకున్నారు. దేశ రాజధాని వాషింగ్టన్ డీసీలో అత్యవసర పరిస్థితి విధిస్తూ ఆదేశాలు జారీ చేశారు. నూతనంగా ఎన్నికైన జో బైడెన్ అధ్యక్షుడిగా ప్రమాణస్వీకారం చేయనున్న నేపథ్యంలో.. స్థానికంగా పెరుగుతోన్న హింసను దృష్టిలో ఉంచుకొని ఈ నిర్ణయం తీసుకున్నట్లు శ్వేతసౌధం వర్గాల వెల్లడించాయి. ఈ ఆదేశాలు జనవరి 24 వరకు అమలులో ఉంటాయి.
ఈ నిర్ణయంతో హోంశాఖ, ఫెడరల్ ఎమర్జెన్సీ మేనేజ్మెంట్ ఏజెన్సీలు.. స్థానిక అధికారులు కలిసి సమన్వయంతో పని చేయనున్నాయి. క్యాపిటల్ వద్ద గురువారం జరిగిన అల్లర్లలో అయిదుగురు మరణించారు. ఇలాంటి ఘటనలు పునరావృతం కాకుండా ఈ నిర్ణయం తీసుకున్నారు. మొదటి నుంచి ట్రంప్ ఎన్నికల్లో మోసం జరిగిందని ఆరోపిస్తున్నారు. కానీ వాటిని అధికారుల ఇప్పటికే ఖండించారు.
నగరంలో జరుగుతున్న ఆందోళనలతో పాటు కొవిడ్ మహమ్మారి విస్తృతంగా వ్యాపిస్తోన్న నేపథ్యంలో ప్రజలు ఎవరూ ప్రమాణస్వీకారానికి రావొద్దని కొలంబియా, వర్జీనియా గవర్నర్లు కోరారు.
