ఇంటిపై విమానం కూలి ఆరుగురు మృతి
చిలీ తీరప్రాంత నగరం పుయెర్టో మాంట్ నగరంలో ఓ ఇంటిపై చిన్న విమానం కూలింది. పైలట్తో సహా విమానంలో ఉన్న ఐదుగురు ప్రయాణికులు మృతిచెందారు.
ప్రమాద సమాచారం అందుకున్న వెంటనే అగ్నిమాపక సిబ్బంది ఘటనా స్థలికి చేరుకున్నారు. మంటలు ఆర్పారు.
విమానం వెనుకభాగం ఇంటిలోకి చొచ్చుకొని వెళ్లింది. ఇల్లు స్వల్పంగా దెబ్బతింది.
విమానం అర్చిపెలిగోస్ కంపెనీకి చెందినదిగా అధికారులు గుర్తించారు. విమానం గాలిలోకి ఎగిరిన కాసేపటికే కూలిపోయిందని, ట్యాంకు నిండా ఇంధనం ఉందని అధికారులు తెలిపారు. ఈ ఘటనపై దర్యాప్తు చేస్తున్నట్లు చెప్పారు.
