అమెరికాలో మరోసారి కాల్పులు కలకలం రేపాయి. ప్రముఖ ర్యాపర్ యంగ్ డాల్ఫ్(36)పై గుర్తుతెలియని వ్యక్తులు కాల్పులకు పాల్పడ్డారు. ఈ ఘటనలో ఆయన ప్రాణాలు కోల్పోయాడు. ఈ ఘటన టెన్నెస్సీలోని మెంఫిస్ అంతర్జాతీయ విమానాశ్రయం సమీపంలో జరిగింది. ఈ ఘటనపై మెంఫిస్ మేయర్ దిగ్భ్రాంతి వ్యక్తంచేశారు. యంగ్ డాల్ఫ్ ఆత్మకు శాంతి చేకూరాలని ప్రార్థించారు.
యంగ్ డాల్ఫ్.. కేన్సర్తో బాధపడుతున్న తన బంధువురాలిని చూసేందుకు మెంఫిస్కు వచ్చిన సమయంలో ఓ గుర్తుతెలియని వ్యక్తి.. డాల్ఫ్పై కాల్పులకు తెగబడినట్లు అతని సోదరి మరేనో మయర్స్ తెలిపారు. ఈ ఘటనపై కేసు నమోదు చేశామని.. దర్యాప్తు చేపట్టినట్లు పోలీసులు తెలిపారు.
యంగ్ డాల్ఫ్పై గతంలోనూ కాల్పులు జరిగాయి. 2017, సెప్టెంబరులో లాస్ ఏంజెల్స్లో అతడిపై కాల్పులు చేశారు. అదే ఏడాది ఫిబ్రవరిలోనూ యంగ్ డాల్ఫ్పై కాల్పులకు పాల్పడ్డారు.
2008 నుంచి ర్యాపర్గా కెరీర్ను ప్రారంభించాడు యంగ్ డాల్ఫ్. పేపర్ రూట్ కాంపేన్, కింగ్ ఆఫ్ మెంఫిస్, రిచ్ స్లేవ్, తదితర ఆల్బమ్స్ ప్రజాదరణ పొందాయి.
ఇదీ చూడండి: 'గిన్నిస్ డే' స్పెషల్.. వీరి సరికొత్త రికార్డులు సూపర్ గురూ!
