టైమ్ మ్యాగజైన్ విడుదల చేసిన అత్యంత ప్రభావవంతమైన వ్యక్తుల జాబితాలో ప్రధాని నరేంద్ర మోదీ మరోసారి చోటు దక్కించుకున్నారు. 2021కి గానూ అత్యంత ప్రభావవంతమైన 100 మంది వ్యక్తుల జాబితాను బుధవారం విడుదల చేసింది టైమ్ మ్యాగజైన్. 18వ వార్షిక జాబితాలో మార్గదర్శకులు, కళాకారులు, నాయకులు, ఆవిష్కర్తలతోపాటు తదితరులు ఉన్నట్లు వెల్లడించింది. ఈ జాబితాలో ప్రధాని నరేంద్ర మోదీ సహా బంగాల్ ముఖ్యమంత్రి మమతా బెనర్జీ, సీరం సంస్థ సీఈఓ అదర్ పూనావాాలాకు కూడా చోటుదక్కింది.
ఈ జాబితాలో అత్యంత చిన్న వయస్కురాలిగా 18 ఏళ్ల జిమ్నాస్ట్ సునీసా లీ ఉండగా.. పెద్ద వయస్కుడిగా 78 ఏళ్ల అమెరికా అధ్యక్షుడు జో బైడెన్ ఎంపికయ్యారు.
ఇదే జాబితాలో అప్గాన్‌ ప్రధాని అబ్దుల్ బరాదర్, చైనా అధ్యక్షుడు జిన్‌పింగ్, ప్రిన్స్ హ్యారీ-మేఘన్, జిమ్నాస్ట్ సిమోన్ బైల్స్, నటి కేట్ విన్స్‌లెట్, సింగర్, పాటల రచయిత బిల్లీ ఎలిష్, వరల్డ్ ట్రేడ్ ఆర్గనైజేషన్ డీజీ ఎన్‌గోజీ, ఎన్విడియా సీఈఓ హువాంగ్, రచయిత కాథీ పార్క్ వంటి ప్రముఖులకు చోటు దక్కింది.
ఇదీ చూడండి : ఐరాస వేదికగా పాక్కు భారత్ చురకలు!
