పెరూ అధ్యక్షుడు మాన్యువల్ మెరినోకు వ్యతిరేకంగా ప్రజలు చేపట్టిన నిరసనలతో ఆయన పదవికి రాజీనామా చేశారు. దీంతో ఆ దేశ రాజకీయాల్లో రాజ్యాంగ సంక్షోభం నెలకొంది. ఇప్పటికే మెరినోకు వ్యతిరేకంగా పెద్దమొత్తంలో ప్రజలు రోడ్ల మీదకు వచ్చి నిరసన తెలిపారు.
మాన్యువల్ మెరినో రాజీనామాకు ముందు ఆ దేశ ప్రజాప్రతినిధులు.. నిరసనల మధ్యనే లిమాలోని చట్టసభకు చేరుకున్నారు. ఆందోళనకారులను అదుపుచేయడానికి పోలీసులు టియర్గ్యాస్ను ప్రయోగించారు.
ఇంతకుముందున్న అధ్యక్షుడు విజర్కాని అక్రమంగా తొలగించి అధికార పీఠం ఎక్కినట్లు మెరినో ఆరోపణలు ఎదుర్కొంటున్నారు. ఇంకా.. కరోనా కట్టడి, సామాజిక భద్రత కల్పనలో విఫలం అయినట్లు విమర్శలు వస్తున్నాయి.
