New COVID-19 Cases: ప్రపంచవ్యాప్తంగా కరోనా కల్లోలం కొనసాగుతోంది. గత అక్టోబర్ నుంచి వివిధ దేశాల్లో కేసుల సంఖ్య గణనీయంగా పెరుగుతోంది. వారం వ్యవధిలోనే (డిసెంబర్ 27-జనవరి 2) 71 శాతం కొవిడ్ కేసులు పెరిగాయని డబ్ల్యూహెచ్ఓ తెలిపింది. అయితే.. వైరస్ బారినపడిన వారి మరణాల సంఖ్య మాత్రం 10 శాతం తగ్గాయని వెల్లడించింది. ఈ వారం ప్రపంచం మొత్తం 95 లక్షల కరోనా కేసులు నమోదు కాగా.. 41,000 మంది మరణించారు.
అమెరికాలో గతంతో పోలిస్తే ఈ వారం కేసులు అత్యధికంగా 100 శాతం పెరిగాయని డబ్ల్యూహెచ్ఓ తెలిపింది. ఈశాన్య ఆసియా ప్రాంతం 78 శాతం, యూరప్ 65 శాతం, అత్యల్పంగా ఆఫ్రికాలో 7 శాతం పెరిగాయని పేర్కొంది.
దక్షిణాసియాలో ఇండియా తర్వాత బంగ్లాదేశ్లో కేసుల పెరుగుదల 48 శాతం, మాల్దీవులు 31 శాతం, థాయ్లాండ్ 6 శాతం, శ్రీలంక 8 శాతంగా ఉంది. భారత్లో మాత్రం గత వారంతో పోలిస్తే ఈ వారం 120 శాతం కేసులు పెరిగాయి. మరణాల్లో భారత్లో 8 శాతం తగ్గుదల నమోదు కాగా.. థాయ్లాండ్లో 31 శాతంగా ఉంది.
ఇదీ చదవండి: కరోనా ధాటికి అమెరికా విలవిల.. ఫ్రాన్స్లో 3లక్షల కొత్త కేసులు
