అమెరికా ప్రఖ్యాత కళాకారుడు రూపొందించిన ఉక్కు కుందేలు వేలంలో రికార్డు ధరకు అమ్ముడుపోయింది. న్యూయార్క్లో క్రిస్టీస్ నిర్వహించిన వేలంలో 91.1 మిలియన్ డాలర్లు (రూ. 638 కోట్లు) కుమ్మరించారు. జీవించి ఉన్న ఓ కళాకారుడి బొమ్మకు ఇంత ధర రావటం ఇదే మొదటిసారి.
వేలంలో పలికిన ధర 80 మిలియన్ డాలర్లే అయినా పన్నులు, ఇతరత్రా రుసుములు కలిపి 91.1 మిలియన్ డాలర్లకు చేరుతుంది. "ర్యాబిట్"ను కూన్ 1986లో తయారు చేశారు. అప్పట్లోనే ఈ కళాఖండాన్ని అనేక మంది మెచ్చుకున్నారు.
తుప్పు పట్టని ఉక్కుతో కూన్ తయారు చేసిన కుందేలు... బ్రిటీష్ చిత్రకారుడు డేవిడ్ హాక్నీ చిత్రం "పోట్రైట్ ఆఫ్ యాన్ ఆర్టిస్ట్" 90.3 మిలియన్ డాలర్ల రికార్డును బద్దలు కొట్టింది. 2013లో కూన్ రూపొందించిన "బెలూన్ డాగ్" 58 మిలియన్ డాలర్లకు అమ్ముడుపోయింది. ఐదేళ్ల పాటు ఆ రికార్డును తిరగరాయడం ఎవరికీ సాధ్యంకాలేదు.
ఇదీ చూడండి: 23సార్లు ఎవరెస్ట్ శిఖరం ఎక్కి నేపాలీ రికార్డు
