చేతిలో స్మార్ట్ఫోన్ ఉంటే చాలు. ఇకపై మన శ్వాసక్రియా రేటు, హృదయ స్పందనల వేగాన్ని మనం సులువుగా తెలుసుకోవచ్చు. ఇందుకోసం సరికొత్త ఫీచర్ను వచ్చే నెల నుంచి అందుబాటులోకి తీసుకురానున్నట్లు గూగుల్ సంస్థ ప్రకటించింది. ప్రస్తుతానికి పిక్సెల్ ఫోన్లలో 'గూగుల్ ఫిట్' యాప్ పేరుతో ఈ సదుపాయాన్ని కల్పిస్తామని, క్రమంగా మరిన్ని ఆండ్రాయిడ్ ఫోన్లకు విస్తరిస్తామని వెల్లడించింది.
వ్యక్తుల ఛాతీలో సూక్ష్మ కదలకలను గుర్తించడం ద్వారా శ్వాసక్రియా రేటును ఈ ఫీచర్ గుర్తిస్తుంది. స్మార్ట్ఫోన్ కెమెరాతో పాటు 'ఆప్టికల్ ఫ్లో' అనే కంప్యూటర్ విజన్ సాంకేతికత ఇందుకు దోహదపడతాయి. ఇక వ్యక్తుల వేలి కొనల్లో రంగుల మార్పును గుర్తించడం ద్వారా హృదయ స్పందనల వేగాన్ని గూగుల్ ఫిట్ పసిగడుతుంది.
ఇదీ చూడండి: మాకు కరోనా టీకా అవసరం లేదు!
