అమెరికాలోని సెంట్రల్ కాలిఫోర్నియాలో ఘోర రోడ్డు ప్రమాదం జరిగింది. రెండు కార్లు ఎదురెదురుగా ఢీ కొన్నాయి. ఈ దుర్ఘటనలో ఓ కారులో మంటలు చెలరేగి డ్రైవర్ సహా ఏడుగురు చిన్నారులు సజీవదహనమయ్యారు. మరో కారు చోదకుడూ ప్రాణాలు కోల్పోయాడు.
ప్రమాదంలో మరణించిన చిన్నారులు రెండు కుటుంబాలకు చెందిన వారిగా అధికారులు గుర్తించారు. వారంతా 6-15 ఏళ్ల లోపు వారేనని వెల్లడించారు. కొత్త సంవత్సరం రోజున రాత్రి 8 గంటల ప్రాంతంలో అవెనల్, కోలింగా మధ్య రాష్ట్ర రహదారి 33పై ప్రమాదం జరిగినట్లు ఫ్రెస్నో నగర ప్రమాదాల నివారణ కార్యాలయం, కాలిఫోర్నయ హైవే పేట్రోల్ విభాగం తెలిపింది.
ఫోర్డ్ కారులో చిన్నారులతో కలిసి ఓ మహిళ వెళుతుండగా అవెనల్ సమీపంలో రోడ్డుపై కారు నిలిచిపోయింది. మరోవైపు నుంచి వస్తోన్న డాడ్జ్ కారు అదుపుతప్పి.. డివైడర్ను దాటుకొని వారి కారును ఢీకొట్టింది. ఈ ఘటనలో ఫోర్డ్ కారులో మంటలు చెలరేగాయి. అందులో ఉన్న చిన్నారులతో పాటు మహిళ సజీవదహనం అయ్యారు.
ఇదీ చూడండి: 'నేల కుంగిపోతోంది.. జాగ్రత్త'
