అమెరికా పట్టిపీడిస్తున్న కరోనా మహమ్మారిపై గెలవాలంటే ముందుగా అధ్యక్షుడు డొనాల్డ్ ట్రంప్ను ఓడించాలని డెమొక్రటిక్ అభ్యర్థి జో బైడెన్ అన్నారు. పిట్స్బర్గ్లో ప్రచార ముగింపు సభలో మాట్లాడిన ఆయన.. నాలుగేళ్ల పాలనలో విఫలమైనందుకు ట్రంప్ను ఓడించాలని పిలుపునిచ్చారు.
"నేనిచ్చే సందేశం చాలా చిన్నదే. ఈ దేశాన్ని మార్చే అధికారం మీ చేతుల్లో ఉంది. ట్రంప్ తరహాలో ఓటును అణచివేయడానికి ఆధునిక అధ్యక్ష చరిత్రలో ఎప్పుడూ జరగలేదని ఇటీవల ఓ వార్తా కథనం చదివాను. ట్రంప్ ఎంత గట్టిగా ప్రయత్నిస్తారన్నది నేను పట్టించుకోను. కానీ, మిమ్మల్ని ఓటు వేయకుండా ఆయన ఆపలేరు. ఆయన ఓటమితోనే కరోనా వైరస్ను గెలవగలం."
- జో బైడెన్, డెమొక్రటిక్ అభ్యర్థి
ట్రంప్ వల్ల దేశంలో ఎంతో గందరగోళం నెలకొందని బైడెన్ విమర్శించారు. జాత్యాహంకారం, కోపం, ద్వేషం, బాధ్యతారాహిత్యం.. ఇలా ఎన్నో ఉన్నాయన్నారు. తాను అధ్యక్షుడినైతే.. మొదటి రోజు నుంచే కరోనా నియంత్రణకు చర్యలు తీసుకుంటామని హామీ ఇచ్చారు.
బైడెన్ 18 నెలల ముందు పిట్స్బర్గ్లోనే ఎన్నికల ప్రచారాన్ని ప్రారంభించారు. ప్రచారాన్ని కూడా ఇక్కడే ముగించారు.
ఇదీ చూడండి: అమెరికా చరిత్రలో రికార్డు ఓటింగ్!
