కరోనా దెబ్బకు అమెరికా ప్రజలు హడలిపోతున్నారు. ఈ తరుణంలో కాలిఫోర్నియాలో ఓ మహిళ చేసిన పని స్థానికంగా తీవ్ర కలకలం రేపింది. సూపర్ మార్కెట్లో సరకులు కొనడానికి వెళ్లిన ఆమె రూ.లక్షా 38వేలు విలువ చేసే ఆహార పదార్థాలను ఎంగిలి చేసింది. కొన్ని ఆభరణాలనూ నోటితో తడి చేసింది. ఈ విషయాన్ని గమనించిన సిబ్బంది పోలీసులకు సమాచారం అందించారు. అధికారులు ఆమెను అదుపులోకి తీసుకున్నారు.
"ఆ మహిళ మొదట ఆభరణాలను నాలుకతో నాకి, చేతికి ధరించింది. తర్వాత ఆహార పదార్థాలను కూడా ఎంగిలి చేసింది" అని సూపర్ మార్కెట్ సిబ్బంది తెలిపారు. ఆ మహిళను జెన్నిఫర్ వాకర్గా గుర్తించారు పోలీసులు. సరకులు కొనడానికి సరిపడా ఆమె వద్ద డబ్బులు లేవని చెప్పారు.
మాంసం, మద్యం సహా ఇతర వస్తువులు కార్ట్లో ఉన్నాయి. వీటిన్నింటినీ ధ్వంసం చేయనున్నట్లు తెలిపారు పోలీసులు.
