ప్రపంచ వ్యాప్తంగా 7.2 కోట్లు దాటిన కరోనా కేసులు

ప్రపంచ దేశాలపై కరోనా కరాళ నృత్యం చేస్తోంది. సగటున రోజుకు 6 లక్షలకుపైగా కొత్త కేసులు నమోదవుతున్నాయి. శనివారం ఒక్కరోజే 6.35లక్షల మందికి వైరస్​ సోకింది. మొత్తం బాధితుల సంఖ్య 7.2కోట్లు దాటింది. వీరిలో 16.1లక్షల మంది ప్రాణాలు కోల్పోయారు.

ప్రపంచవ్యాప్తంగా కొవిడ్​ విలయతాండవం కొనసాగుతోంది. మరో 6లక్షల 35వేల మందికిపైగా వైరస్​ బారినపడ్డారు. ఫలితంగా మొత్తం కేసుల సంఖ్య 7కోట్ల 20లక్షల 89వేలు దాటింది. వారిలో 16లక్షల 10వేల మందినిపైగా కొవిడ్​ బలితీసుకుంది. కరోనా సోకినవారిలో ఇప్పటివరకు 5 కోట్ల 4లక్షల మంది కోలుకున్నారు. సుమారు 2కోట్ల యాక్టివ్​ కేసులున్నాయి.

• అమెరికాలో వైరస్​ ఉద్ధృతి ఏమాత్రం తగ్గడం లేదు. కొత్తగా 2లక్షల 20వేల 298 మందికి కొవిడ్​ పాజిటివ్​గా నిర్ధరణ అయింది. దీంతో కేసుల సంఖ్య కోటీ 65లక్షలు దాటింది. మహమ్మారి ధాటికి మరో 2,309 మంది బలవ్వగా.. మొత్తం మృతుల సంఖ్య 3లక్షల 5వేలకు పెరిగింది.
• బ్రెజిల్​లో మరో 44వేలకుపైగా కరోనా కేసులు వెలుగు చూశాయి. బాధితుల సంఖ్య 68లక్షలకు పెరిగింది. వైరస్​ కారణంగా మరో 690 మంది ప్రాణాలు కోల్పోగా.. మరణాల సంఖ్య 1.81లక్షలు దాటింది.

వైరస్​ వ్యాప్తి అధికంగా ఉన్న దేశాల్లో కేసుల సంఖ్య ఇలా...

దేశం	మొత్తం కేసులు	మొత్తం మరణాలు
అమెరికా	1,65,49,366	3,05,082
బ్రెజిల్​	68,80,595	1,81143
రష్యా	26,25,848	46,453
ఫ్రాన్స్​	23,65,319	57,761
బ్రిటన్​	18,30,956	64,026
ఇటలీ	18,25,775	64,036
టర్కీ	18,09,809	16,199
స్పెయిన్​	17,41,439	47,624
అర్జెంటీనా	14,94,602	40,668

ఇదీ చదవండి: సోమవారం నుంచే అమెరికాలో టీకా పంపిణీ!