భారత రాజ్యాంగ నిర్మాత, డాక్టర్ బీఆర్ అంబేడ్కర్ గౌరవార్థం అమెరికా కాంగ్రెస్లో వరుసగా రెండోసారి భారతీయ అమెరికన్ సభ్యుడు ఆర్ఓ ఖన్నా బుధవారం.. ఓ తీర్మానం ప్రవేశపెట్టారు. అంబేడ్కర్ 130వ జయంతి సందర్బంగా.. ప్రపంచ దేశాల్లోని యువనేతలు ఆయన చూపించిన సమానత్వ మార్గం ద్వారా స్ఫూర్తి పొందాలని పేర్కొన్నారు.
"అందరికీ సమానమైన గౌరవం అని భావించే అమెరికా, భారత్ పక్షాన అంబేడ్కర్ పోరాడారు." అని అమెరికా ప్రతినిధుల సభలో తీర్మానాన్ని ప్రవేశపెట్టిన అనంతరం ఆర్ఓ ఖన్నా ట్వీట్ చేశారు.
"అంబేడ్కర్ గౌరవార్థం నేను ఈరోజు మరోసారి.. తీర్మానం ప్రవేశపెడుతున్నాను. ప్రపంచ వ్యాప్తంగా ఉన్న యువనేతలు అంబేడ్కర్ చూపించిన సమానత్వం మార్గం ద్వారా ప్రేరణ పొందుతారని ఆశిస్తున్నాను. దళితుడైన అంబేడ్కర్ తనంతట తానుగా పైకి ఎదిగి, భారత రాజ్యాంగాన్ని రచించారు. దాని ద్వారా ఎంతో మంది భారతీయులు తమ హక్కులను కాపాడుకోగులుగుతున్నారు. అదే విధంగా.. నువ్వు ఎవరు? ఎక్కడ నుంచి వచ్చావు? అనే దానితో సంబంధం లేకుండా.. ప్రతివ్యక్తి ఆ దేవుడు నిర్దేశించిన లక్ష్యాలను పూర్తి చేయగలుగుతాడని మేం నమ్ముతాం."
-ఆర్ఓ ఖన్నా, అమెరికా ప్రతినిధుల సభ సభ్యుడు
వైశాఖి పండుగపై తీర్మానం..
వైశాఖి పర్వదినం సందర్భంగా.. అమెరికా ప్రతినిధుల సభలో జాన్ గారమేండి అనే సభ్యుడు ఓ తీర్మానం ప్రవేశ పెట్టారు. చరిత్రాత్మక, సాంస్కృతిక, మతపరమైన ఈ పండుగ ప్రాముఖ్యతను గౌరవించాలని కాంగ్రెస్ సభ్యుడు తీర్మానంలో తెలిపారు. అమెరికా చట్టసభలో సిక్కు సామాజిక వర్గానికి జాన్ గారమేండి ప్రాతినిథ్యం వహిస్తున్నారు.
వసంత రుతువు ప్రారంభానికి చిహ్నంగా వైశాఖి పండుగను హిందువులు, బుద్ధులు, సిక్కులు వేర్వేరు పేర్లతో జరుపుకుంటారు.
ఇదీ చూడండి:'మే 1 నుంచి అమెరికా బలగాల ఉపసంహరణ'
