హింసాత్మకంగా వెనెజువెలా ఆందోళనలు

వెనెజువెలాలో ప్రభుత్వ వ్యతిరేక ఆందోళనలు హింసాత్మకంగా మారాయి. ప్రతిపక్ష నేత జాన్​ గుయాడో మద్దతుదారులు వందల మంది రాజధాని కారకస్​ వీధుల్లోకి చేరి నిరసనలు చేపట్టారు. పోలీసులు బాష్పవాయువు ప్రయోగించారు. మరోవైపు అధ్యక్షునికి మద్దతుగా మదురో వర్గం వీధుల్లో నిరసనలు చేపట్టింది.

విద్యుత్​ సంక్షోభంలో చిక్కుకున్న వెనెజువెలా ఆందోళనలతో అట్టుడుకుతోంది. ప్రభుత్వానికి వ్యతిరేకంగా చేపట్టిన నిరసనలు ఉవ్వెత్తున ఎగిసిపడుతున్నాయి. అధికారాన్ని చేజిక్కించుకునేందుకు ఓ వైపు ప్రతిపక్ష నేత జాన్​ గుయాడో మద్దతుదారులు నిరసనలు చేపడుతుంటే.. మరోపక్క అధ్యక్షుడు నికోలస్​ మదురో మద్దతుదారులు వీధుల్లోకి చేరి నిరసనలు చేపట్టారు. తమ నాయకుడికి మద్దతుగా నినాదాలు చేశారు.

నగరంలోని కార్లోట కోట సమీపంలో నిరసనకారులు రోడ్లపైకి వచ్చి ఆందోళనలు చేశారు. మాస్క్​లు ధరించిన కొందరు కోటవైపు రాళ్లు విసురుతూ నినాదాలు చేశారు. వారిని అదుపు చేసేందుకు పోలీసులు బాష్పవాయువు ప్రయోగించారు. భద్రత బలగాలు, ఆందోళనకారుల మధ్య జరిగిన ఘర్షణలు హింసాత్మకంగా మారాయి.

ఇదీ చూడండి: పోలీస్​ బస్​పై నక్సల్స్​ దాడి- 16 మంది మృతి