కాబుల్ విమానాశ్రయంలో జరిగిన ఆత్మాహుతి దాడిలో మృతిచెందిన 13 మంది అమెరికా సైనికులకు నివాళులు అర్పించారు అగ్రరాజ్యం అధ్యక్షుడు జో బైడెన్. అమెరికా ప్రథమ మహిళ జిల్ బైడెన్తో కలిసి డెలవేర్లోని డోవర్ ఎయిర్ ఫోర్స్ వద్దకు చేరుకున్నారు బైడెన్. సైనికుల మృతదేహాలకు నివాళులు అర్పించారు. మృతుల కుటుంబ సభ్యులను కలిశారు.
ఆత్మాహుతి దాడిలో మృతిచెందిన సైనికులంతా 20-31 ఏళ్లలోపు వారే. వారు అమెరికాలోని కాలిఫోర్నియా, మసాచుసెట్స్ రాష్ట్రాలకు చెందినవారు. మృతుల్లో ఐదుగురికి కేవలం 20ఏళ్లే. గతేడాది ఫిబ్రవరి నుంచి 13 మంది అమెరికా సైనికులు మరణించటం ఇదే తొలిసారి.
మృతిచెందినవారిని ఇదివరకే.. హీరోలుగా అభివర్ణించారు బైడెన్. శనివారం ఐఎస్ఎస్-కే ఉగ్రసంస్థ స్థావరాలపై డ్రోన్‌ దాడి జరిపిన అమెరికన్ దళాలు ఆత్మాహుతి దాడికి సూత్రధారి సహా మరో ఉగ్రవాదిని మట్టుబెట్టాయి. అంతకుముందు కాబుల్ విమానాశ్రయంలో(Kabul Airport) ఐసిస్ జరిపిన దాడుల్లో మొత్తం 180మందికిపైగా మృతి చెందారు.
ఇదీ చదవండి: Kabul Attack: కాబుల్లో తీవ్ర ఉద్రిక్తత.. ఆ వాహనంపై అమెరికా వైమానిక దాడి
