అమెరికా పాఠశాలలో కాల్పులు- విద్యార్థి మృతి
అమెరికాలో తుపాకీ విష సంస్కృతి మరో విద్యార్థిని బలిగొంది. కొలరాడో రాష్ట్రం డెన్వర్ ప్రాంతంలోని ఓ పాఠశాలలో దుండగులు కాల్పులకు తెగబడ్డారు. ఈ ఘటనలో ఓ విద్యార్థి మృతి చెందాడు. 8 మంది విద్యార్థులు తీవ్రంగా గాయపడ్డారు. క్షతగాత్రులను ఆసుపత్రికి తరలించారు.
ఇద్దరు అనుమానితులను అదుపులోకి తీసుకున్నట్లు పోలీసులు తెలిపారు. పాఠశాల పరిసర ప్రాంతాల్లో దుండగుల కోసం గాలింపు చర్యలు ముమ్మరం చేశారు.
కాల్పులు జరిగిన సమయంలో పాఠశాలలో సుమారు 1800 మంది విద్యార్థులు ఉన్నారని అధికారులు తెలిపారు.
ఈ ఘటనలో మొత్తం ముగ్గురు దుండగులు పాల్గొన్నట్లు అధికారులు అనుమానిస్తున్నారు.
ఇదీ చూడండి: 'రుణమాఫీ'పై రగడ.. మాజీ సీఎం ఇంటికి పత్రాలు
