మొదటి ప్రైవేట్ అంతరిక్షయాత్ర వచ్చే జనవరిలో ప్రారంభం కానుంది. ముగ్గురు వ్యక్తులతో కూడిన ఈ బృందానికి నాసా మాజీ వ్యోమగామి నేతృత్వం వహించనున్నారు. అయితే వీరు స్పేస్కి వెళ్లేందుకు హ్యోస్టన్కు చెందిన ఆక్సియం సంస్థ భారీగానే వసూలు చేస్తోంది. ఒక్కొక్కరికి నుంచి 55 మిలియన్ డాలర్లు (రూ.401కోట్లు) వరకు తీసుకోనున్నట్లు సంబంధిత కంపెనీ మంగళవారం ప్రకటించింది.
అయితే ఇలాంటి ప్రైవేటు వ్యోమనౌక అంతర్జాతీయ అంతరిక్ష కేంద్రానికి వెళ్లడం ఇదే మొదటిసారి అని ఆక్సియం సంస్థ అధ్యక్షుడు మైక్ సుఫ్రేది తెలిపారు. మైక్ నాసాలో అంతరిక్ష కేంద్రం ప్రోగ్రామ్ మేనేజర్గా కొంతకాలం సేవలందించారు. ఈ బృందంలో మిషన్ కామాండర్గా మైఖేల్ లోపేజ్ అలెగ్రియాకు అంతరిక్ష ప్రయాణంపై పూర్తి అవగాహన ఉందని మైక్ తెలిపారు. మిగతా ముగ్గురికి ఇది ఓ మంచి అవకాశం అని వ్యాఖ్యానించారు.
మొదటగా వెళ్లే సిబ్బంది అంతరిక్ష కేంద్రంలో ఎనిమిది రోజులు గడుపుతారని మైక్ స్పష్టం చేశారు. అయితే వారు కేప్ కెనావెరల్ నుంచి అంతరిక్షంలోకి వెళ్లేందుకు స్పేస్‌ఎక్స్ డ్రాగన్ క్యాప్సూల్‌ ద్వారా ఒకటి నుంచి రెండు రోజులు పట్టనుందని తెలిపారు.
ఇతర గ్రహాలపైకి మానవులను తీసుకుపోయే కార్యక్రమాన్ని రష్యా 2001 నుంచే ప్రారంభించింది.
ఇదీ చూడండి: 'స్పేస్ ఎక్స్ మిషన్-3' కమాండర్గా రాజా
