వేర్వేరు రోడ్డు ప్రమాదాల్లో 14 మంది మృతి

దక్షిణ అమెరికా దేశం పెరూలో జరిగిన 3 వేర్వేరు ప్రమాదాల్లో 14 మంది మృతి చెందారు. మరో 97 మంది గాయపడ్డారు.

పెరూలో మూడు ఘోర రోడ్డు ప్రమాదాలు సంభవించాయి. ఈ ఘటనల్లో 14 మంది మృతిచెందారు. మరో 97 మంది గాయపడ్డారు. క్షతగాత్రులను అరెక్విపా ఆసుపత్రికి తరలించారు.

దక్షిణ ప్రాంతంలోని అరెక్విపాలో పాన్​ అమెరికన్​ రహదారిపై రెండు బస్సులు ఢీకొన్నాయి. ఈ ఘటనలోనే 14 మంది మృతి చెందగా, 68 మంది గాయపడినట్లు అధికారులు తెలిపారు. మిగతా ప్రమాదాల్లో ప్రయాణికులకు గాయాలైనట్లు వివరించారు.

అరెక్విపాలో వైద్య సదుపాయాలు సరిగా లేని కారణంగా క్షతగాత్రులు ఇబ్బందులు ఎదుర్కొంటున్నట్లు తెలుస్తోంది.

రహదారులు సరిగా లేని కారణంగా పెరూలో రోడ్డు ప్రమాదాలు తరచూ జరగుతున్నాయి. అధికారిక గణాంకాల ప్రకారం... పెరూలో 2018 లోనే 3,245 మంది మరణించారు.

ఇదీ చదవండి: కరోనా ఎఫెక్ట్​: నిర్బంధంలో పలు హోటళ్లు